budallallëku
ka vetëm një fytyrë
atë të njeriut
dhe kundër budallallëkut nuk mund të luftosh
budallallëku as nuk mposhtet
as edhe shkyçet
ai përhap dhunën e vet
të zgërdhihet kudo në errësirën e shoqërisë
dhe mund të ketë mungesë për çdo gjë në këtë botë
por jo për të
që me aq dëshirë hap këmbët e ballit
dhe lejon të përdhunohet nga gjithë budallallëku i pacipë
ai nuk ka kufij
udhëton më shpejt se rruzulli tokësor
dhe mund të bëjë që një shtet i tërë
të tkurret sa një banesë e pistë
në të cilën idiotia rrjedh përgjatë mureve
dhe kërkon që të shihet
kërkon të nderohet dhe të duhet nga të gjithë
Shqipëroi: Agim Ademi
