Pandemia ka bërë që shumë njerëz të ikin nga qyteti dhe të kthehen në shtëpitë e tyre nëpër fshatra.
Festivali i arteve dhe kulturës tradicionale “Etno Fest”, ka nëntë vjet që trajton efektin e shpërnguljes. Popullimi i fshatit Kukaj, midis Prishtinës dhe Gjilanit, është një nga synimet që kishin organizatorët. Sipas tyre, ia kanë dalë. Festivali në edicionin e tij të 10-të, e gjen fshatin që kishte vetëm dy shtëpi me tridhjetë të tilla.
Por, përtej kësaj, “Etno Fest” pikërisht në këtë vit të pandemisë, po shihet edhe si një vend ideal për të rimbushur energjitë. Organizatorët për ‘kohën’ kanë bërë të ditur se artit, kulturës dhe trashëgimisë do t’u qasen përmes dhjetë shtyllave programore. Synim e kanë që nga dita e 20-të deri më 25 gusht të zbërthejnë temën “Gruaja dhe dielli”.
