Gëzohu dhe shërohu, bija ime, me dritën e diellit dhe rrezet e hënës. Me tingujt e lumit dhe të ujëvarës. Me valët e detit dhe fërfëllimën e krahëve të zogjve.
Nga Maria Sabine
Gëzohu dhe shërohu, bija ime, me gjethet e mentës dhe të mendrës, të mëllagës dhe të blirit. Freskohu me aromë livande, rozmarine dhe kamomili.
Përqafohu me frutën e kakaos dhe me një degëz kanelle. Duaje çajin në vend të sheqerit dhe pije atë duke parë yjet.
Gëzohu dhe shërohu, bija ime, me përqafimet e erës dhe me puthjet e shiut. Forcohu me këmbët zbathur në tokë dhe me gjithçka që ka lindur prej tokës.
Bëhu më e shkathët çdo ditë, duke mprehur intuitën dhe duke parë botën me sytë e ballit.
Kërce, vallëzo, këndo, që të jetosh më e lumtur.
Gëzohu dhe shërohu, bija ime, me dashuri të shëndetshme dhe mos harro se je grua.
Përktheu: Bajram Karabolli
ObserverKult
Lexo edhe:
Din Mehmeti: Këndo ose vdis pa klithmë!
FAHREDIN SHEHU: BIJA IME, KE DËGJUAR SI GËNJEJNË?
Bija ime
ke dëgjuar si gënjejnë
për sukseset e trilluara
dhe një armatë gënjeshtarësh
promovojnë atë çmenduri
e të bëjnë t’u besosh zotave
që emërtoheshin nga po ata
gënjeshtarë në bazë të yjeve
të yjësisë sonë më të afërt
kur të kaplojë etja për një frymë babai
dhe fjalët e vërtetësisë që ato bartin me vete
dhe kur të merr malli të shohësh
ku përfundojnë martirët e dashurisë
për Zotin dhe për njeriun
në epitafin tim do të lexosh
“janë dy këmbë që të çojnë në parajsë
njërës lija emrin Dije e
tjetrës Dashuri”
ObserverKult
