Një profesor nga Norvegjia u zbulon kosovarëve pamje të qyteteve të tyre, që shumica nuk i kanë parë kurrë. Pothuajse çdo ditë, profesor Keneth Andresen, e sjell në profilin e tij në Twitter një copë të Kosovës.
Profesori për studimin e mediave në Norvegji, Keneth Andresen, në biografinë e tij të shkurtër të Twitter e përshkruan vetën si koleksionues të kartolinave nga Kosova.
Lidhja e tij me Kosovën u krijua para 22 vitesh, Andresen, siç ka treguar në postimet e tij, në Kosovë ka punuar gjashtë muajt e parë pas çlirimit, në vitin 1999. Gjithë këto vite, ai nuk e ka harruar punën e tij në këtë shtet, e kujtimet i ndan çdo ditë nga pak.
Ai ka arritur të grumbullojë në sirtarin e tij rreth 1500 fotografi e kartolina nga më të ndryshmet; të veshjeve, ushtarëve, shesheve të qyteteve, manastireve, kishave, urave e rrugëve të vjetra, të cilat janë deri në 100 vjet të vjetra.
Në koleksionin e Andresen, mund të gjendet Prishtina e kohëve të ndryshme. Disa prej kartolinave janë më të vjetra se gjysmëshekulli.
Ndërsa të qytetit të Prizrenit janë fotografitë që datojnë nga viti 1863, ku është fotografuar nga lartësia Prizreni dhe shihet njëra pjesë e qytetit dhe ura e vjetër. Po ashtu, edhe fotografi të tjera nga shatërvani në fund të viteve 70-të, e rrugët të shtruara me kalldrëm.
Në koleksionin e gazetarit norvegjez për qytetin e Ferizajt figuron një kartolinë e viteve të 60-ta dhe disa të tjera të shkrepura ai vetë gjatë vitit 2000, ku edhe janë mbajtur zgjedhjet e para lokale pas luftës, transmeton ‘express’.
Kartolinë origjinale nga viti 1920-të i “Urës Fshajt” mbi lumin Drin i Bardhë, afër Gjakovës. Në Luftën e Parë Botërore u shkatërrua dhe në 1942 u rindërtua, por ajo u dëmtua përsëri në 1999 dhe më pas u restaurua nga KFOR. Kjo urë është e famshme për garat e kërcimit.
Po ashtu edhe në qytetin e Vushtrrisë kartolinat e gazetarit norvegjez, Andresen, datojnë që nga viti 1920 dhe monumenti i “Sahat Kullës”, e cila është bërë në gusht të 1962.
Nga rrafshi i Dukagjinit, kartolinat e qytetit të Pejës datojnë nga viti 1962/63 të cilat janë dërguar tek të afërmit e tyre, një kartolinë e Pejës e cila është në koleksionit e gazetarit norvegjez dhe është dërguar në Osijek të Kroacisë në vitin 1963, po ashtu edhe tjetra e vitit 1982 e cila përfshinë disa pjesë të qytetit gjatë asaj kohe.
E që gjithashtu edhe disa fotografi e kartolina të veshjeve kombëtare gjatë viteve 1970 të shkrepura në Prizren, Pejë, Prishtinë.
Dhe nga një kartolinë të qyteteve si Gjilani, Lipjani, Mitrovica, Fushë Kosova të dërguara jashtë trojeve shqiptare.
Po ashtu në koleksionin e tij të Kosovës, ai ka publikuar edhe një fotografi të shkrepur nga vetë ai më 18 shtator të 1999-tës, pranë Stadiumit të Prishtinës i cili tani mban emrin e legjendës “Fadil Vokrri”. Në mbishkrimin e kësaj fotografie ai ka treguar datën dhe ka cekur që pas fitores së Ushtrisë Çlirimtare të Kosovës, kanë qenë të pranishëm mbi 50 mijë persona.
——————-
Lexo edhe:
Fotografitë rrëqethëse nga lufta në Indi në garë për çmimin “Deutsche Börse”
ObserverKult
