Pas reagimeve të forta nga përdoruesit dhe ligjvënësit, “Facebook” ka njoftuar se po ndalon projektin “Instagram Kids” .
Më herët, shefi i “Instagram”, Adam Moseri është shprehur se aplikacioni është për fëmijët e moshës 10 deri në 12 vjeç.
“Ndërsa ne besojmë se krijimi i ‘Instagram Kids’ është gjëja e duhur për të bërë, Instagram dhe Facebook do të rivlerësojnë projektin në një datë të mëvonshme. Ndërkohë, Instagram do të vazhdojë të përqendrohet në sigurinë e adoleshentëve. Po ashtu edhe në zgjerimin e funksioneve të mbikëqyrjes prindërore për adoleshentët,” tha kompania.
Mbyllja e këtij projekti erdhi si rezultat i një studimi të fundit të botuar në “Wall Streat Journal”. Sipas konkluzioneve “Instagram” po krijon mënyra të reja për të kurajuar përdoruesit që të fokusohen në pamjen fizike.
Sipas studiuesve të “Facebook” ata kanë zbuluar herë pas here se kjo platformë është toksike, veçanërisht për vajzat adoleshente.
Përgjatë 3 viteve të fundit janë kryer mjaft studime mbi mënyrën si aplikacioni ndikon në miliona përdorues të rinj.
Sipas hulumtimeve platforma mund të dëmtojë shëndetin mendor dhe imazhin e trupit.
“Një në tre vajza adoleshente i përjetojnë keq çështjet e imazhit të trupit” , u shpreh një studiues për “The Journal”.
Studiuesit thanë se veçanërisht Instagram-i ndikon negativisht tek adoleshentët kur bëhet fjalë për “krahasimin social” kur përdoruesit e këtij rrjeti përqendrohen në aspekte si pasuria, pamja ose suksesi.
“Ne jemi optimistë me kujdes se këto shtytje do t’i ndihmojnë njerëzit të drejtohen drejt përmbajtjes që i frymëzon dhe i lartëson ata. Në një masë më të madhe, do të zhvendosë pjesën e kulturës së Instagram që fokusohet në atë se si duken njerëzit”, thanë studiesit.
ObserverKult
Lexo edhe:
Facebooku po planifikon një Instagram Kids
Facebook mund të krijojë së shpejti Instagram Kids, të ideuar për fëmijët.
Ky premtim erdhi me idenë që të bëhet më shumë për të mbrojtur të miturit.
Aplikacioni do të jetë vetëm për fëmijë nën moshën 13 vjeç.
Tekstin e plotë e gjeni KETU
