Ju ftojmë të ndiqni poezinë “Të kam dashtë” të Primo Shllakut, lexuar nga Engjëllushe Alla.
Primo Shllaku: Të kam dashtë
Të kam dashtë …
Dashunia nuk ka te tashme
Dashunia nuk ka të ardhshme
Ajo ka vetëm të kaluemen.
Të kam dashtë.
Dashunia asht e lirë si dorë mbi ranë
Dashunia asht e verbët e zhvoshkun nga lëkura
Dashunia asht e çmendun si dorë mbi mish
Dashunia vdes kur i mbarohen fjalët
Dashunia vdes kur i shërohen plagët
Dashunia fillon prapë prej fillimit.
Dashunia i beson të gjitha
Dashunia i shpreson të gjitha
Dashunia i ‘ha’ të gjitha
Dashunia i fal të gjitha
Dashunia banon te duert …
Të kam dashtunue …
Dashunia nuk ka të tashme
Dashunia nuk ka te ardhshme
Ajo ka vetëm të kaluemen.
Të paskam dashtë pra …
ObserverKult
Kliko edhe:
