‘Netflix’ ka zbuluar së fundmi datën e publikimit të sezonit të ri të serialit ‘Peaky Blinders’.
Përmes llogarisë në rrjetin social, Twitter, Netflix ka njoftuar se seriali do të jepet premierë më 10 qershor.
Sezoni gjashtë është gjithashtu sezoni i fundit, edhe pse përflitet për një përshtatje të serialit në film i cili do publikohet në vitin 2023.
Sezoni i fundit i shfaqjes nuk do të ketë një personazh të rëndësishëm, halla Polly, e cila u luajt nga Helen McCrory që ndërroi jetë prillin e kaluar nga kanceri.
”Unë mendoj se ky është kulmi i serialit dhe uroj që të jetë i realizuar më mirë dhe më i thellë se sezoni i pestë, pjesërisht për shkak të të pandemisë që po ndodh në botë dhe sigurisht, humbja me të vërtetë e trishtuar e Helen McCrory”, u shpreh Cillian Murphy, transmeton ‘lapsi.al’.
”Unë mendoj se ne jemi të vendosur për ta bërë këtë një seri të veçantë dhe ne kemi qenë më të angazhuar për të punuar shumë. Unë mendoj se fansat do të jenë të kënaqur. I gjithë serali është me të vërtetë për të nderuar atë,” vazhdoi aktori.
”Do të jetë ndryshe pa të, ju e dini. Thjesht nuk do të jetë e njëjtë. Unë kam folur për atë sesi ishte si një aktore dhe si person dhe është një humbje e madhe për të gjithë komunitetin e aktrimit dhe jo vetëm për serialin tonë. Mendimet e mia janë gjithmonë me burrin e saj Damian dhe fëmijët e saj.”
Lexo edhe:
MERRET VESH, JA KUR DO TË NIS SEZONI I GJASHTË I “PEAKY BLINDERS”
ObserverKult
