Kënga “Në këngën time u shlodha” me tekst të Mimoza Tolas dhe muzikë të Luan Bakiut, u këndua nga Juliana Pasha në edicionin e 37-të të Festivalit të RTSH-së.
Po rend në botë
me shpirtin plagë i vrarë pafaj
si mëkatar i vogël para saj
dhe bota hesht
kjo botë kaq e ftohtë
njëherazi qesh
njeherësh derdh lot
Lotët e dhimbjes unë i mblodha
rrëkeza vjeshte prag më prag
në botën që hesht
qetësi s’ndjej aspak
mbi udhë resh
më kot kërkova
në këngën time unë u preha
e u shlodha
me tinguj zbres
me tinguj trokas
dhe botën ndjej
dhe botës i flas
i sjell një fjalë që lotët fshin
dhe qiellin hap
dhe akujt shkrin
Me fjalët tingujt që i solla
si fije shprese që nga lart
trokas nëpër ditë
në shpirtra trokas
të zgjoj dashuritë
që brengat lenë pas
me fjalët tingujt që i solla
unë u ngroha
flas
botës unë i flas
me fjalët tingujt që i solla
unë u ngroha
dhe botën ndjej me botën flas
me tinguj zbres e trokas
ObserverKult
Lexo edhe:
JULIANA PASHA: NJË ÇAST TË HUAJ U BËMË UNË E TI (TEKSTI DHE KËNGA)
