Në vitin 1993 për arsye humanitare dhe shëndetësore, vjen në Shqipëri doktor Muricio Bosio. Tre dekada më vonë ai është në Tiranë për të promovuar albumin e tij me fotografi. Ku takohen vitet ‘90, vitet 2000 e ditët tona, me kaosin, gjendjen, narrativën e të tria kohëve.
“Ai udhëton në Shqipëri bashkë me pasionin e tij, fotografinë. Gjatë gjithë udhëtimit të tij nga 1993-2017 është kujdesur që bashkë me kontributin humanitar të fotografojë, njerëz. Pastaj çaste, monumente e çaste të veçanta”, tha botuesja Anila Bisha.
“Mbërrita në Shqipëri në mars 1993, kur vendi ishte në fazën e hapjes së ndrojtur pas 50 vitesh mbyllje. Ky imazh që tregon një bari të vogël dhe nënën e tij në malet e Dajtit, simbolizon situatën që ishte vendi: e reja në fazë rritjeje, me shikim të hutuar në të ardhmen, e në një çasti trans tipik për imagjinatën, ndërsa e vjetra, vepron sipas kulturës së vet”, tha mjeku Mauricio Bosio.
Duke sjellë imazhe të ndalura në kohë e portrete që përçojnë kaos e dinjitet, Jugu, Veriu dhe Shqipëria e mesme dokumentohen në albumin e një vendi në udhëtim të tronditur. Çka duket se përcillet në pezullin e imazheve të njerëzve të trembur, të habitur. Apo në muret e gurët e monumenteve që mund të gjenden në imazhe me pamjen e nisjes së një kohe tjetër./BW
Lexo edhe:
FOTOGRAFI RRËQETHËSE NGA VITI 1991 KUR “NDËRROI JETË” DIKTATURA…
Këto foto pasqyrojnë më së mirë vuajtjet, trishtimin dhe shpresën e shqiptarëve për një kapitull të ri në jetën e tyre.
Fotot janë bërë në vitin 1991, në momentin historik të Shqipërisë. Kur ra perdja e komunizmit dhe u vendos demokracia.
Pas 45 vitesh komunizëm, më në fund, Shqipëria ishte e lirë.
Këto fotografi të rralla janë realizuar nga fotografi grek Nikos Ekonomopoulos..
TEKSTIN E PLOTË E GJENI KËTU
ObserverKult
