Anita Take ishte dhe vazhdon të jetë një nga këngëtaret më të njohura shqiptare.
Këngëtarja e ndjerë, Anita Take, është ngjitur në skenë para 50-vjetësh, por akoma vazhdon të kujtohet me nostalgji nga të gjithë ata që e kanë njohur atë. Ajo akoma ka mbetur në kujtesën e shqiptarëve dhe shumë këngë të saj akoma këndohen edhe sot.
Kjo tregon se këngëtarja e madhe Anita Take me ëmbëlsinë e zërit dhe interpretimin e shkëlqyer në skenë, ka lënë gjurmë të thella në historikun e muzikës dhe të këngës shqiptare.
E lindur në një familje, që nuk merrej me muzikë, por që ishin shumë dashamirës dhe pasionantë ndaj saj, Anita Take do t’i jepte familjes së saj, atë që nuk ua kishte dhënë asnjë fëmijë dhe profesion tjetër.
Por, krahas zërit dhe pasionit për këngën, ajo pati edhe një fat tjetër të bardhë në jetë, sepse u njoh dhe lidhi jetën e përjetshme me një nga kompozitorët më të shquar të muzikës dhe me themeluesin e muzikës së lehtë shqiptare, Agim Prodani.
Kjo lidhje e saj me një artist dhe një mjeshtër të kompozicionit, bëri që Anita Take brenda një kohe relativisht shumë të shkurtër, të bëhej këngëtarja më e kërkuar për artdashësit shqiptarë.
Ajo ka mbi 50 vjet, që ka kënduar dhe paraqitjen e saj të fundit e ka bërë tek spektakli “Njëqind këngët e shekullit”, ku duartrokitjet e gjata të njerëzve, që kishin mbushur plot e përplot sallën, e mallëngjyen pa masë.
Për kontributin e dhënë në muzikë dhe në këngë, ajo është dekoruar nga presidenti me titullin e lartë: “Naim Frashëri i Artë”. Por, ndonëse ajo ishte shumë e gëzuar për profesionin e saj, pengu i vetëm për të, ishte se nuk ka arritur të filmohet, duke kënduar në vitet e saja më të mira.
Albumin e parë e ka publikuar para pak vitesh, i cili është pritur shumë mirë në publik. Këngëtarja e njohur e muzikës së lehtë shqiptare, Anita Take ka ndërruar jetë muaj më parë. Ajo akoma ka mbetur në kujtesën e shqiptarëve dhe shumë këngë të saj akoma këndohen edhe sot. Këngëtarja e madhe me ëmbëlsinë e zërit dhe interpretimin e shkëlqyer në skenë, ka lënë gjurmë të thella në historikun e muzikës dhe të këngës shqiptare.
Në vitin 2004, Anita Take publikon albumin “Me Do Apo S’me Do”. Në mars 2014, Kujtim Prodani, Sajmir Cili & Anita Take marrin pjesë në ‘Kënga Ime 2014’ me këngën “Turkesha”.
Këngëtarja është vlerësuar me titullin “Naim Frashëri i Artë” për vlerat dhe karrierën e saj në gati pesë dekada në muzikë, në një intervistë ka rrëfyer pengjet e jetës së saj. “Pengun, e kam shumë të madh. Jam fajtore pa faj, nuk kam materiale të jetës sime të regjistruar, pasi s’ka pasur televizor”, – pohoi zëri brilant i skenes shqiptare.
Prezantimin e saj të fundit e ka bërë tek spektakli, pra te “Njëqind kënget e shekullit”, ku duartrokitjet e gjata të njerëzve, që kishin mbushur plot e përplot sallën, e mallëngjyen pa masë./konica.al
ObserverKult
Lexo edhe:
