“Prill o im vëlla, me jep tri ditë hua, ta ngrij plakën me gjithçka ka”.
Sigurisht e keni dëgjuar ndonjërën nga versionet e gojëdhënës që na kujtohet çdo fundmarsi.
Plakat e marsit ose të prillit është shprehje e besimeve popullore që lidhen me tri ditët e ftohta në fund të marsit ose në fillim të prillit.
Edhe në ditët e sotme shpesh dëgjojmë të thuhet se “bën ftohtë ngaqë janë plakat”.
Gojëdhëna thotë se një herë e një kohë disa plaka u ngjitën në mal. Ishin shtatë plaka ato që morën leshin e bagëtisë dhe dolën në një lëndinë për ta tjerrë.
Duke biseduar me njëra-tjetrën, njëra nga plakat i ngriti këngë muajit mars duke i thënë se tani dimrit ia hodhi dhe marsi t’i merrte të keqen.
Duke parë motin e ngrohtë e me diell tha: “Tani unë do t’i kullos për qejf bagëtitë, të dh’…fsha dimrin”.
Të tjerat thirrën me të madhe: “Lamtumirë Dimër, Vafsh në Djall!”.
Në këtë moment, marsi tha: “Prill o im vëlla, me jep tri ditë hua ta ngrij plakën me gjithçka.”
Dimri vendosi të kthehej sërish për t’i ngrirë plakat duke ua kujtuar që ishte më i fuqishëm se ato, dhe që duhej respektuar.
Menjëherë pas kësaj, u bë aq ftohtë saqë plakat ngrinë me gjithë bagëtitë në mal, duke u kthyer në shkëmb.
Mali i Tomorrit është vendi ku besohet se plakat u ngrinë me bagëtitë, ndërsa sipas gojëdhënave në atë vend sot gjendet një gur në formën e një plake, ku edhe sot e kësaj dite buron ujë, që thuhet se janë “lotët e plakës”.
Përgatiti U.V/ ObserverKult
——————————
Kliko edhe;
“PLAKAT E PRILLIT”, SI LINDI KJO LEGJENDË SHQIPTARE…
—————————–
LEXO EDHE:
SI E VRANË XHEMILEN E BUKUR NË ULQIN (LEGJENDA)
Ka qenë nji vajzë shum e bukur qi i thoshin Xhemile. Kjo, tuj u rrit e tuj u zbukuru. Kët e lakmojshin shum djelm të ri, djelm konaqesh. Kjo kishte zanë marak në nji djalë fukara, por nuk e napin për atë, veç e martojnë me nji gjemxhi.
Gjemxhija shpesh merrte derin e nuk kthehej n’Ulqin me muej e vjetë. Xhemilja, e re si vera, pritte burrin tuj qendisë edhe e lutte zotin për me ju kthy prej detit burri shndosh e mirë.
As kur i vdiç nana e baba, gjemxhija nuk qillaj në shpi. Kur dikur u kthy ai, ere shokët e tij nga deti, e pritën kajshitë dhe kushrijtë në Mole…
TEKSTIN E PLOTË MUND TA LEXONI KËTU
ObserverKult
