Nën malin e mbështjellë
me ngjyra të mbyllura
prej brendisë sime gufon bardhësia
Për një fije drite kapem
në amullinë që ka rrëmbyer tokën
Në çast
ca rreze vezullojnë mbi gjoksin e mbuluar
me këmishë të re
për ta lehtësuar frymëmarjen time të rënduar
Thumbat e rrypit
plasariten me të qeshura ironike
unë numëroj pikat e shiut të munguar
Lumin e mendimeve të ngjyrosura e krijoj
nga ylberi në prag të reve
Dalldisem me aromë pranvere
e nxitoj të prek ngjyrën e dashurisë së qiellit
rrezatuar nga dielli i fatit tim.
ObserverKult
Lexo edhe:
