Po dëgjoj çka s’kam dëgjuar, anekdotë popullore
Anekdotat, këto thënie të mençura, këto tregime të shkurtra shpotitëse e satirike, përmes së cilave interpretohen dukuritë e ndryshme shoqërore, ndodhi të personaliteteve të njohura etj., japin një pasqyrim metaforik por edhe alegorik të realitetit.
Një plak ishte ulur buzë rrugës dhe po shikonte kalimtarët e rastit që po kalonin aty pari. Dy mezo burra, tek po kalonin andej e përshëndesin plakun dhe u ulën pak pranë tij. E ndezën nga një duhan dhe njëri nga ta po e pyet plakun:
-Mixhë, a je lodhur, a si po ia kalon?
Plaku i mbetur vetëm po i shikon e nuk po iu përgjigjet fare!
Tjetri, po i thotë, shokut të vet:
-Po ti lëre he burrë, a nuk e sheh se e paskan lënë veshtë.
Ai, prapë po i thotë:
-Mixhë, a po dëgjon, a po sheh?…
-Po, mor bijtë e mi – ua ktheu plaku:
-Po dëgjoi çka nuk kam dëgjuar, dhe po shoh çka nuk kam parë, kurrë më parë në jetën time!
ObserverKult
===================
Lexo edhe:
