Motra e këngëtares me famë botërore, Celine Dion, Claudette, ka ndarë një tjetër lajm lidhur me gjendjen shëndetësore të yllit, e cila vuan nga sindroma e ‘Njeriut të ngurtë’, një çrregullim i rrallë i lëvizjes autoimune që prek sistemin nervor qendror (trurin dhe palcën kurrizore).
55-vjeçarja ndodhet në rezidencën e saj në Las Vegas me tre djemtë e saj, Rene-Charles, Eddie dhe Nelson.
Ndërkohë mediat e huaja shkruajnë se motra e Celine Dion ka treguar tani se artistja e famshme po përpiqet të gjejë ilaçe që i bëjnë mirë, por po këmbëngul në shërimin e saj me ndihmën e motrës së tyre Linda, e cila është zhvendosur për ta ndihmuar.
“Kur e telefonoj dhe ajo është e zënë, flas me motrën time Linda që jeton me të dhe ajo më thotë se po punon shumë. Ajo dëgjon nga studiuesit kryesorë në fushën e kësaj sëmundjeje të rrallë. Sinqerisht mendoj se ajo më së shumti ka nevojë të pushojë. Ajo gjithmonë përpiqet të jetë më e mira dhe më e mira. Në një moment, zemra dhe trupi juaj po përpiqen t’ju thonë diçka. Dëgjojeni”, ka thënë Claudette për “Le Journal de Montreal”.
Motra e yllit 55-vjeçar vazhdoi duke thënë se Celine Dion po punon jashtëzakonisht shumë për të ruajtur shëndetin e saj fizik dhe për t’iu rikthyer performancës në të ardhmen.
Duke diskutuar për rehabilitimin e saj, ajo shtoi: “Ne i besojmë asaj. Është e lindur, ajo është e disiplinuar në çdo fushë të jetës së saj… Nuk mund të gjejmë asnjë ilaç që funksionon, por shpresa është e rëndësishme.”
Ndërkohë kujtojmë se në tetor të vitit 2021, këngëtarja me famë botërore tronditi fansat e saj duke zbuluar diagnozën e saj shëndetësore dhe duke deklaruar se do t’i duhej të shtynte shfaqjet e saj në Las Vegas.
Në janar të vitit 2022, 55-vjeçarja anuloi turneun botëror të Courage në Amerikën e Veriut për të njëjtën arsye, duke thënë:
“Unë me të vërtetë shpresoja se do të isha mirë të shkoja deri tani, por mendoj se thjesht duhet të jem më e durueshme dhe të ndjek regjimin që mjekët më përshkruajnë”./gazetashqip
ObserverKult
Lexo edhe:
CELINE DION DIAGNOSTIFIKOHET ME SINDROMËN E RRALLË, ANULON KONCERTET
Celine Dion njoftoi të enjten në mëngjes se ajo është diagnostikuar me sindromën e personit të ngurtë (SPS). Pas kësaj gjendjeje do të shtyjë ose anulojë shfaqjet e saj.
“Unë kam qenë duke u marrë me probleme me shëndetin tim. Kjo për një kohë të gjatë. Ka qenë vërtet e vështirë për mua të përballem me këto sfida. Dhe të flas për gjithçka që kam kaluar,” tha ajo e përlotur në një video të postuar në rrjete sociale, media.
“Kohët e fundit jam diagnostikuar me një sindromë shumë të rrallë neurologjike. Ajo prek diçka si një në një milion njerëz,” tha ajo. Tutje ka shpjeguar se është kjo gjendje që ka shkaktuar të gjitha “spazmat” që ajo ka pasur.
Sindroma e personit të ngurtë shkakton ngurtësi dhe spazma në trung dhe gjymtyrë, sipas klinikës Clevelad. Me kalimin e kohës, muskujt e këmbëve bëhen të ngurtë. Pastaj të ndjekur nga muskujt e tjerë duke përfshirë krahët dhe fytyrën.
Tekstin e plotë mund ta lexoni KËTU:
ObserverKult
