Kanë nisur xhirimet e filmit më të ri “My godfather sent me an iPhone”, në regji të filmbërësit të mirënjohur, Samir Karahoda.
Kështu ka njoftuar përmes një njoftimi në rrjetet sociale Qendra Kinematografike e Kosovës.
Filmi nis me një bisedë të babait (Ylber Ballata) dhe djalit të tij 12-vjeçar (Miron Karahoda), e realizuar përgjatë rrugës për në aeroport për të marrë një iPhone, dhuratë nga diaspora.
Tutje, biseda e tyre përgjatë kësaj rruge zgjerohet derisa trajtohet edhe dilema e qëndrimit apo largimit nga vendlindja.
Kjo bisedë e shtyrë nga ndikimi i emigrimit, një fenomen i nisur shumë e shumë vite më parë, por mjaft prezent edhe tash, e nxit djalin të mendojë për të mirat që mund të ketë ikja nga Kosova.
Ndërkaq ky film sjell një përzierje aktorësh profesionistë dhe joprofesionistë, duke përdorur një formë hibride tregimi, i cili po realizohet tërësisht në Kosovë.
Ky film do realizohet nga SK Pictures, i njohur për filmat si ‘Në mes’ , (Berlinale 2019) dhe ‘Pa vend’ (Cannes 2021, Sundance 2022 filmi më i mirë i shkurtër, i nominuar si filmi më i mirë i shkurtë Europian nga European Film Academy në vitin 2022), filmi ka për producent Eroll Bilibanin, organizatore Valmira Hysenin dhe montazher Enis Saraçi.
Ndryshe, ky film është mbështetur nga Qendra Kinematografike e Kosovës dhe Televizioni Kulturor Europian ARTE!
ObserverKult
Lexo edhe:
XHELOZIA LIND GJITHMONË ME DASHURINË, POR JO GJITHMONË MBARON ME TË
ObserverKult ua sjell disa thënie për dashurinë nga autorë të ndryshëm:
– Nuk ka gjë më të përsosur në botë se dy veta që duhen./ Marc Levy
– Nëse vërtet e do dikë, lëre të lirë të shkojë. Nëse kthehet, është i yti përgjithmonë, nëse nuk kthehet, nuk ka qenë i yti kurrë./ Jess Lair
– Kushdo që mbjell krime e dhimbje, nuk mund të korrë gëzim e dashuri./ Pitagora
– Jetohet vetëm kur dashurohet./ Claude-Adrien Helvetius
– Armiku i dashurisë është kritika. Nëse dikush të kritikon do të thotë se nuk të do./ Alejandro Jodorowsky
– Dashuria e bën shpirtin tënd të dalë nga vendi ku është fshehur./ Zora Neale Hurston
– Sa më pak kemi aq më shumë dhurojmë. Duket absurd, por kjo është logjika e dashurisë./ Nënë Tereza
Thëniet e tjera mund ti lexoni KËTU:
ObserverKult
