“Profil” në ekranin e Euronews Albania ka sjellë historinë e jetës së Edmond Tupjës.
Avangard, kritik, erudit dhe artist kështu mund të përkufizohet profesori, por përveç këtyre ai ka një jetë të mbushur me kujtime të trishta dhe momente suksesi.
Gazetarja Greta Topjana ka nxjerrë nga sirtari i tij jo vetëm foto por shumë momente nga jeta e tij, nga Franca në Gramsh dhe jo vetëm.
Edmond Tupja ka lindur në Tiranë në vitin 1947. Dashuria për librin nisi që në moshë të hershme ku ai lexonte dhe shkruante vjersha dhe më pas tregime.
Që i vogël njihte rusishten dhe frengjishten por me këtë të fundit u dashurua, dashuri e cila e çoi në Francë për të studiuar.
Tupja tregoi gjithë rrugëtimin e tij në Francë i cili nisi në vitin 1965, për studimet në gjuhën frënge, flirtet e para me vajzat atje dhe letërsinë erotike franceze.
Ai studio disa vite në Francë por më pas u kthye në Shqipëri, gjegjësisht në Gramsh si mësues i gjuhës frënge dhe jo vetëm. Tupja tregoi se si dha edhe lëndë si muzika, matematika apo vizatimi, vetëm e vetëm për të mbushur orët.
Pas Gramshit u kthye në Tiranë sepse kërkoheshin përkthyes për letrat dhe veprat e Enver Hoxhës, aty thotë Tupja, u bë zyrtarisht përkthyes për herë të parë.
Ndër të tjera ai theksoi se seksi në Shqipëri është tabu ndërsa shtoi se fjalët e pista, mungojnë në fjalorin e Gjuhës Shqipe.
“Seksi është tabu, varet dhe nga niveli i familjes, por me internetin fëmijët i dinë gjërat që në moshën 7-8 vjeç. Botova unë librin e ‘Fjalorin Erotik të Gjuhës Shqipe’. Në fjalorin e Gjuhës Shqipe nuk ekzistojnë fjalët që kanë të bëjnë me seksin. Në fjalorin shqip ka kanë futur fjalën SIDA, por çfarë na mbron ne nga SIDA? Fjala prezervativ nuk ekziston”-tha ai.
Profesori Edmond Tupja ka përkthyer mbi 50 libra dhe ka shkruar dhjetëra.
Ndër botimet më të njohura të tij janë “Trotuarët e trishtimit”, “Rërë e rëndë”, “Fjalori erotik i gjuhës shqipe”, “69 variacione për një temë erotike”, “Mos ik o ma!”, “Kujtimet e një karrigeje” etj ku pjesë e letërsisë së tij ka qenë edhe ajo erotike.
Edmond Tupja rrallë ka folur për të dashurën e jetës Xhilden, piktoren që i vodhi zemrën dhe me të krijoi një familje të vogël por me shumë dashuri nga e cila erdhi në jetë Gesi, djali i tyre.
Tupja tregoi edhe për pengun e tij, duke qenë se djali i tyre Gesi është me autizëm, Xhilda ja ka kushtuar jetën atij, duke mos dalë më apo duke mos pikturuar.
Videon mund ta shikoni duke klikuar KËTU:/euronews albania
ObserverKult
Lexo edhe:
AGIM DOÇI: HUMBA PRANVERËN
Nga Agim Doçi
I vetëm jam nga nëna larg
Bregun shikoj, po kthehem prapë.
Kjo zemra ime sa s’u ça,
sot e kuptoj,
fshiva lotët dhe mora rrugën
kur nata ra.
Sa iluzione njeriu ka,
jetë e veshtirë,
vitet ikin, m’u zbardhën flokët,
si bora e bardhë.
Sytë e mi janë të përlotur,
sa mall që kam,
të trishtuar, të plagosur,
zemrën e kam.
Erdha, erdha, mos ma mbyll derën,
pritëm, pritëm, humba pranverën,
djalin, vajzën dhe nënën time
do t’i puth me mall.
Poezinë e plotë mund ta lexoni KËTU:
ObserverKult
