Vajza ime nuk është PRINCESHË
Unë nuk dua të rris (dhe nuk po rris) një PRINCESHË!
Dua të rris dhe të edukoj një vajzë. Jo vetëm sepse historitë e princeshave janë fryt i fantazisë por sepse ne kemi nevojë të rrisim dhe edukojmë VAJZA (njësoj si edhe DJEM).
Nuk gjykoj askënd që jetën e fëmijëve zgjedh ta mbushë me princesha në torta ditëlindjesh, sandale, t-shirt apo mobilie të dhomës së gjumit… Dhe deklarata, shumë deklarata me princesha (e mamit, e babit, e nënës, e gjyshit, e hallës, e tezes madje edhe e shoqeve të mamit dhe gjyshes).
POR…mendoj fort se sot, jemi në një udhëkryq të madh social dhe kemi probleme të ashpra me prindërimin.
Ndërsa mendojmë ditë të tëra për tortën e ditëlindjes (kënaqësi e domosdoshme), le të mendojmë edhe për komunikimin me fëmijën;
Ndërsa mendojmë për një t-shirt të bukur (domosdoshmëri ushqimi i shijes estetike të fëmijës), të mendojmë edhe për sjelljen me ne, prindërit, me gjyshërit, edukatorët apo ata me të cilët ndan përditshmërinë;
Ndërsa mendojmë për shkollën më të mirë (shumë e rëndësishme në formim), le të mendojmë për kultivimin e të vegjëlve. Shkolla nuk bën magji, thjesht të shumëfishon rezultatin e përkushtimit tënd në familje dhe shoqëri.
Çdo fëmijë doemos ka “heronjtë” e fëmijërisë por gjëja e fundit që unë do të zgjidhja si “ushqim” për vajzën time, janë princeshat, fjalët, gjestet, figurat, sjellja…sikur ajo të ishte një PRINCESHË nga ato të përrallave që vetë ne i lexojmë për ta! Dhe shumë mirë bëjmë…sepse përrallat kanë tjetër qëllim në rritjen e fëmijës, ndërsa jeta, është tjetër gjë!
Duhet të rrisim VAJZA dhe DJEM dhe jo PRINCESHA dhe PRINCËR!
ObserverKult
Lexo edhe:
26 VITE NGA VDEKJA E PRINCESHË DIANËS! ÇFARË I MBETI PENG PRINCIT WILLIAM?
