Elvana Gjata zuri vendin e dytë në Festivalin e Fundvitit në RTSH.
Përmes një postimi në rrjetet sociale Gjata, uron këngëtarët fitues të festivalit ndërsa falënderon të gjithë ata që e mbështetën.
“Unë gjithmonë kam uruar më të mirën për vendin tim, pavarësisht se kush e përfaqëson atë në skenën ndërkombëtare. Grupit Shkodra Elektronikë i uroj një eksperiencë të mrekullueshme në Eurovizion 2025”, shkruan Elvana në rrjetet sociale.
Në lidhje me kritikët ajo ka një mesazh:
“I mirëpres kritikat që më ndihmojnë të zhvillohem, por le ta lëmë gjuhën e urrejtjes. Ajo nuk ka vend në muzikë”.
Grupi “Shkodra Elektronike” u shpall fitues dhe do të përfaqësojë Shqipërinë në Eurovizion. Ata morën 143 pikë, ndërsa Elvana Gjata arriti të siguronte 135 pikë. Kjo është hera e dytë që artistja konkurron për të përfaqësuar Shqipërinë në Eurovizion./gazetatema
ObserverKult
Lexo edhe:
TRIUMFON “SHKODRA ELEKTRONIKE”, KJO ËSHTË KËNGA QË DO TA PËRFAQËSOJË SHQIPËRINË NË EUROVISION
