Nanës sime ia vizatova fushën e vendlindjes
Dhe e mora për krahu t’i prek
Ngjyrat e mia të premtimit – zhgënjimit
Me nanën pa hetuar natën e sosëm
Bri heshtjes që buronte mall
Rrëfimet e moçme kërcëllejnë
Nga rrathët e demoluara të jashtëkohës
Ankthi i strukur mbi shpinë
Kërruste Gjergj Elez Alinë
Bukën e sjellur për argatët e poemës
E hëngrën vargjet e pakryera të pritjes
Në këtë fushë nate
Ngjyrosen dëshmitarët pa shtëpi
Me nanën për dore dolëm në sheti
Vetullën e atdheut e promovuam në pejsazh
*Këtë vjershë timen (e shkruar shumë vite më parë) e solla për të kujtuar Nanën time, në 24-vjetorin e shkuarjes së Saj në amshim
ObserverKult
Lexo edhe:
