1. Pema e Beckettit
Pema e Beckettit
pa fruta pa hije
Si kaçubet
shfaqet nga oborri
në oborr
Një natë pa hanë
Mbiu n’ oborrin tim
Asnjë qukapik
nuk qukatë në të
Sa e trishtë kjo pemë
e zhveshun
pa gjethe
pa lëvore
Përgjon dialogun tim
absurd me Beckettin
Hana zbret
si fryt i kalbur
Varet në pemë
si fati im
Më mbetet në fyt emri
Godo
Derisa dua të dëshmoj
para yjeve që nuk duken
2. Ulli në Ullishtën e Ulqinit
Ullishtës së Ulqinit
piku një ulli
m’ra n’sy të majtë
Gjysma e detit
Mori ngjyrën e tij
Nuk vonoi
piku edhe një tjetër
Syri i djathë m’u ba
Ulli
Deti
u bë i ullinjtë
Ecja shtegut
për në det
Ulluri plak
më shitoi me sy
U bana pip
në trupin e tij
Në krye t’vitit
pres të luloj
pres t’pikoj
N’sy t’vizitorit
t’ri
3. Dardha pa farë
U ngjita deri në maje
të dardhës pa farë
E kafshova me shije
bishti më mbeti në
fyt
Nuk dita të zbres
Dikur vonë me gjetën
të fjetun në degë
Pa dalë hana
më shkundën nga pema
Si një fryt të papjekun
Dardhe
ObserverKult
Lexo edhe:
