Nga: Blerim Valla
Hotel “Çarshia e Jupave” është një hotel dhe restorant i njohur, i vendosur në qendër të Çarshisë së Vjetër në Gjakovë që sot shënon 20 – vjetorin e fillimit të punës. Ky hotel kombinon arkitekturën tradicionale me komoditetin modern dhe vlerësohet lart për mikpritjen dhe ushqimin e tij tradicional.
“Çarshia e Jupave ” bartë mbi vete traditën 80-vjeçare të trashëguar nga breza të shumtë familjar ndër vite, me përkushtim, traditë dhe
profesionalizëm!
Punën e nisur me dekada më parë të z.Bajram Jupa njërit nga kamarierët e parë të Gjakovës, i cili kishte hapur biznezin e parë të hotelit privat në Gjakovë, në lumin Drin tek Ura e Fshajt (“Motel Bajram Jupa”), e kanë vazhduar bijtë e tij, vëllezërit Lulëzimi, Shpejtimi dhe Shkëlqimi. Ky i fundit Shkëlqimi sot është drejtor dhe menaxher i hotelit “Çarshia e Jupave” e që sot shënon 20- vjetorin e hapjes së objektit të ri dhe unik hotelier në mbarë hapësirën shqiptare.
Po kush ishte Bajram Jupa një nga kamarierët e parë në Gjakovë i cili tërë jetën ia kushtoi hotelierisë?.
Bajram Jupa (1930-1993), qysh si 8-vjeçar filloi të punonte si kamerier (shegërt), kurse si kamerier profesional fillojë të punojë si 16-vjeçar. Në vitin 1948 fillon të punojë në hotelin “Iliria” në Gjakovë. Gjatë viteve 1968 -1971, z. Bajram punojë tek hotel “Drini”, tek “Ura e Fshenjtë’. Kurse nga viti 1974 z. Bajram ishte përgjegjës shërbimi tek hoteli “Pashtriku”. Më pas në vitet e ’80- ta ai në Prishtinë e hap bashkë me bijtë e tij restorantin e njohur në “Shkëlqimi” i cili funksionon me sukses disa vite atje për tu kthyer me po të njëjtën sukses dhe emër më pas në Gjakovë. Bajram Jupa, u pensionua në vitin 1983, ndërsa ndërroi jetë në vitin 1993. Dhe nuk e pa djegien dhe shkatërrimin e restorantit të tij nga paramilitarët serbo-malazezë në luftën e vitit 1999 .
Mbi themelet e të cilit pas luftës u ndërtua objekti i sotëm modern dhe i njohur “Çarshia e Jupave” i që menaxhohet nga djali i tij, Shkëlqim Jupa (biznismen dhe menaxher i njohur ky i hotelierisë dhe gastronomisë). Shkëlqimi me familjarët e tij (bashkëshorten, djalin dhe vajzat e tij) po vazhdojnë me shumë sukses traditën e babait dhe gjyshit të tyre.
Hotel Çarshia e Jupave gëzon një status elitë dhe mban një vlerë të jashtëzakonshme monumentale në historikun e hotelerisë dhe gastronomisë kosovare e mbarëshqiptare. Ai nuk vlerësohet thjesht si një biznes fitimprurës, por si një institucion i gjallë i trashëgimisë shpirtërore dhe materiale.
Vendi dhe pesha e tij specifike analizohen në disa dimensione kryesore:
Pas vitit 1999, kur forcave serbe i vuri flakën Çarshisë së Madhe të Gjakovës, qyteti humbi zemrën e tij tregtare e kulturore. Projekti i “Çarshisë së Jupave” (i nisur në vitet 2001 – 2002 dhe fillimin e punës më 2006) shërbeu si një katalizator i rilindjes ekonomike dhe kulturore të zonës.
Në historikun e hotelerisë kosovare, ky hotel njihet si një ndër projektet e para private që dëshmoi se si rrënojat e luftës mund të shndërrohen në një qendër të luksit ristik pa ia humbur identitetin vendit.
Në hapësirën mbarëshqiptare, ku pas viteve ’90 hoteleria shpesh anonte nga ndërtimet e stilit modern (xhama dhe beton), Hotel Çarshia e Jupave zgjodhi një rrugë tjetër sfiduese.
Ai u bë pionier i konceptit Boutique Hotel me karakter etno-kulturor. Duke ndërtuar me gur masiv dhe dru të gdhendur sipas stilit të kullave të vjetra shqiptare, hoteli vendosi një standard të ri se si dizajni arkitekturor mund të shndërrohet në atraksion turistik vetjak. Ky model frymëzoi më vonë shumë investime të ngjashme në qytete si Prizreni, Berati, Gjirokastra e Kruja.
Vlera më e madhe e këtij hoteli në hotelerinë shqiptare është institucionalizimi i “Bukës, kripës dhe zemrës”. Përmes traditës 80-vjeçare të familjes Jupa, hoteli ka arritur të formalizojë mikpritjen e ngrohtë shtëpiake në një shërbim profesional hotelier të klasit të lartë. Ai tregon kalimin e suksesshëm të dokeve tona shekullore në një industri moderne mikpritjeje.
Hoteli Çarshia e Jupave është Ambasador i Gastronomisë Autentike Gjakovare.
Në historikun e gastronomisë kosovare, Gjakova njihet si djepi i kulinarisë së pasur dhe i taveve karakteristike. Restoranti i Çarshisë së Jupave ka vlerë kombëtare sepse:
Mbron recetat e vjetra: Ai ka shërbyer si një “arkivë e gjallë” e shijeve të vjetra, duke i servirur ato me standarde dhe prezantim modern. Duke u bazuar në përbërës tërësisht organikë dhe vendorë, hoteli promovon qëndrueshmërinë ekonomike dhe agroturizmin.
Këtu gërsheton arti me ushqimin. Përmes teknikave të shumta të përgatitjes së ushqimeve, dhe aktiviteteve të ndryshme kulturore gastronomia këtu kthehet në një përjetim të plotë shqiptar.
Hotel Çarshia e Jupave mban vendin e një “muzeu funksional”. Ai dëshmon se hoteleria dhe gastronomia shqiptare kanë vlerë ndërkombëtare vetëm atëherë kur mbrojnë me krenari rrënjët e tyre.
Hotel Çarshia e Jupave, vlerësohet dhe nderohet rregullisht me çmime dhe mirënjohje të rëndësishme, të cilat konfirmojnë statusin e tij si një brend elitar i hotelerisë dhe gastronomisë kosovare e ndërkombëtare.
Sukseset dhe vlerësimet e tyre kryesore ndahen në disa nivele:
1. Vlerësimet dhe Çmimet Ndërkombëtare: Në nivel global, hoteli mban çmime të bazuara në përvojat e klientëve të huaj dhe motorët e specializuar të kërkimit:
Çmimet “Travelmyth” (Greqi): Hoteli ka fituar çmime kryesore (top-ranking awards) duke u renditur në top-listat e platformës ndërkombëtare me seli në Greqi për kategoritë Business, Family, Honeymoon, dhe Bridal Suite.
Certifikatat e Ekselencës nga TripAdvisor: Restoranti dhe hoteli kanë fituar në mënyrë të përsëritur vlerësime maksimale në TripAdvisor qe sa vite rradhazi . Turistët e huaj e cilësojnë rregullisht menunë e tyre si “award-winning” (kuzhinë e vlerësuar me çmime), sidomos për mëngjesin tradicional dhe mishin në gurë vullkanikë.
Nota Maksimale në Agoda dhe Booking.com: Platformat globale të rezervimeve i kanë ndarë çmime të bazuara në rishikimet e klientëve, ku për shembull në Agoda ka prekur nota perfekte 10/10 për lokacionin dhe performancën e stafit.
Në nivel Kosovar dhe Mbarëshqiptar: Brenda Kosovës dhe rajonit, “Çarshia e Jupave” gëzon njohje institucionale dhe shoqërore:
• Ambasador i Turizmit Kulturor: Hoteli nderohet shpesh me mirënjohje nga komunat, shoqata e hotelerisë dhe gastronomisë së Kosovës, si dhe agjencitë e turizmit për kontributin e jashtëzakonshëm në promovimin e trashëgimisë etno-kulturore shqiptare.
• Vlerësimi nga Personazhe me Famë Botërore: Një “çmim” apo reklamë e jashtëzakonshme për vlerat e këtij hoteli ka qenë edhe vizita e ikonës së Hollywood-it, Nicole Kidman, e cila ka qëndruar dhe ka vlerësuar mikpritjen e tyre.
Të gjitha këto mirënjohje dëshmojnë se investimi në ruajtjen e stilit të Kullës dhe recetave të vjetra gjakovare është vlerësuar maksimalisht si nga institucionet, ashtu edhe nga tregu ndërkombëtar.
Duke e quajtur rregullisht hotelin si “një xhevahir të fshehur të Ballkanit” dhe vlerësojnë arkitekturën muzeale si një eksperiencë që nuk duhet humbur! Shumica thojnë: ” Kush nuk ka e vizituar Çarshinë e Jupave nuk e ka vizituar Gjakovën!”
