u ngatërrova me një mik
u ngatërruam dhe më s’flasim
ndoshta qe një çast i lig
po yjet nuk do të pëlcasin
dhe mund t’ju them tani
sado që rrugët na u ndanë
për besë ai është njeri i mirë
për besë s’ka të sharë
me një mike u ngatërrova
u ngatërruam si kot
sado që dhimbje ndjeva
jo, nuk derdha lot
por s’e kam për gjë ta them
me hir a me pahir
ajo qe sa e bukur
po aq dhe njeri i mirë
e çfarë t’ju them më shumë
haraçin e humbjes
e paguaj veç unë
