Ag Apolloni: S’e dij a ish dashni a urrejtje…

Prej ni grushti balte u bana Dhe ti nga i njajti brum je S’e dij a ish dashni a urrejtje Po diçka na joshi ne

Prej ni grushti balte u bana
Dhe ti nga i njajti brum je
S’e dij a ish dashni a urrejtje
Po diçka na joshi ne

Më pe me sytë gacë si macë
Dhe morën flakë trupat tanë

U rrokëm me njani-tjetrin
E u shtrimë përdhe
T’kafshova
M’godite si e marrë

Balta m’ra ballit
Të ndytë të dytë sa i ngjanim djallit

Ne s’patëm rroba n’shtat
Dhe s’e dinim pse nuk rrinim rahat

Me inat t’i kafshova mollët
Që n’gjoks t’peshonin

Mandej pamë me nge trupat tanë

Futa çka m’tepronte aty ku t’mungonte
Dhe të dy u ngritëm n’hava
Havaaa…

*Titulli i origjinalit: Flamengo

Shkëputur nga libri me poezi “Zomb”, 2009

ObserverKult

Lexo edhe:

AG APOLLONI: DRITA QË TË SHNDRIT MBI KOKË