Aktori koreano-jugor Lee Sun-kyun, i cili njihet për vëmendjen që mori me performancën si patriarku i pasur në filmin fitues të Oscarit ‘Parasite’ është gjetur i vdekur këtë të mërkurë në veturën e tij, në parkun Seoul, kanë bërë me dije policia.
Lee 48 vjeç kohëve të fundit është intervistuar disa herë nga Policia, për shkak të dyshimit se po përdor dr ogë, ndërsa në intervistat që ka pasur me policinë ai pati thënë se ‘joshja’ nga droga ka ardhur nga një person në një bar që e ka frekuentuar së fundmi.
Ndërkaq Lee, është raportuar si i zhdukur, pas njoftimit nga menaxheri i tij, kanë bërë me dije raportet policore.
Ai është gjetur i vdekur në veturën e tij, derisa pas zhdukjes së tij ai ka lënë edhe një letër në shtëpi, dhe nuk i është përgjigjur thirrjeve telefonike, ka bërë me dije një burim në kushte anonimiteti, shkruan Reuters.
Ligjet e ashpra në Korenë e Jugut mund të çojnë 6 deri në 14 vjet burg për personat që përdorin dr ogë, shkelësit e përsëritur të ligjeve dhe tregtarët.
Ndryshe ‘Parasite”, një triller-komedi me regji të Bong Joon-ho, në vitin 2020 ka fituar çmimin e Akademisë në katër kategori, atë të filmit më të mirë, regjisorit, skenarit më të mirë origjinal dhe filmit më të mirë ndërkombëtar.
E kjo pas gjashtë nominimeve për Oscar.
Lee, i lindur në vitin 1975 kishte role kryesore në filmat e Koresë së Jugut si “Helpless” “All about my wife” pastaj në serialin e njohur “Myster”. Po ashtu ai ka luajtur rolin kryesor në serialin e parë origjinal në gjuhën koreane të Apple TV+, i shfaqur në vitin 2021.
Gruaja e Lee është aktorja fituese e çmimeve Jeon Hye-jin, ndërsa çifti kishte dy fëmijë./ reuters
ObserverKult
Lexo edhe:
MBYLLI SYTË PËRGJITHMONË, KJO ISHTE DËSHIRA E FUNDIT E LEGJENDËS SË MUZIKËS GREKE, VASSILIS KARRAS
U nda nga jeta dje këngëtari i njohur grek, i njohur për zërin e tij të veçantë, Vasilis Karras, në moshën 70-vjeçare. Ai u nda nga jeta pas një ‘lufte’ të gjatë me sëmundjen e shekullit, kancerin, ka njoftuar transmetuesi shtetërorë ERT.
Tekstin e plotë mund ta lexoni KËTU:
ANILA TOTO: ËSHTË NATË E FTOHTË KJO NATË DHJETORI
Poezi nga Anila Toto
Është natë e ftohtë kjo natë dhjetori
Nga qielli nisën të bien flokë dëbore
Me një çlirim fryme del nga kraharori
Sikur lindja nisjen e një tjetër epoke.
Edhe duart e tua më duken të akullta
Ndërsa gjithçka ndiej më ka tradhëtuar.
Unë ende mbaj sytë nga kishat e larta
Edhe pse ndihem përditë e kryqëzuar.
Në kohë të tilla, kohë të mbijetesës
Ku mes viruseve është pushtuar bota
Është kaq i dhimsur çdo çast i jetës
E shtirrjet janë të dhimbshme, të kota.
Poezinë e plotë mund ta lexoni KËTU:
ObserverKult
