Organizata e Kombeve të Bashkuara (OKB) e ka shpallur 1 tetorin, Ditën Ndërkombëtare të të Moshuarve dhe tema e këtij viti është: Të plakesh me dinjitet.
Plakja e popullsisë është një prirje globale që riformëson shoqëritë në mbarë botën. Jetëgjatësia tani i kalon 75 vjet në gjysmën e vendeve të botës, 25 vjet më shumë se në vitin 1950.
Deri në vitin 2030, të moshuarit parashikohet të tejkalojnë numrin e të rinjve në nivel global, dhe rritja do të jetë më e shpejtë në vendet në zhvillim.
Ndërsa popullsia plaket, kërkesa për kujdes shëndetësor gjithëpërfshirës, kujdes dhe shërbime mbështetëse sociale është rritur ndjeshëm, veçanërisht për personat e moshuar që vuajnë nga demenca.
Numri i njerëzve të moshës 65 vjeç e lart në mbarë botën parashikohet të dyfishohet, duke u rritur nga 761 milionë në 2021 në 1.6 miliardë në vitin 2050. Numri i njerëzve të moshës 80 vjeç e lart po rritet edhe më shpejt.
Individët që arrijnë moshën 65 vjeç pritet të jetojnë mesatarisht 16.8 vjet shtesë.
Në vitin 2018, u arrit një moment historik kur numri i të moshuarve tejkaloi fëmijët nën pesë vjeç për herë të parë në histori.
Deri në vitin 2030, popullsia globale e të moshuarve parashikohet të tejkalojë numrin e të rinjve dhe të jetë sa dyfishi i fëmijëve nën pesë vjeç./oranews
ObserevrKult
Lexo edhe:
PËRPIQU T’I BËSH MIRË TJETRIT, NËSE NUK MUNDESH TË PAKTËN MOS I BËJ KEQ…
Nga Çapajev Gjokutaj
Përpiqu t’i bësh mirë tjetrit. Kur nuk mundesh, syno të paktën të mos i bësh keq. Dobia s’është aq për atë, sa për ty. Se ajo që bën për tjetrin, sidomos për familjarët, miqtë e kolegët, e ndikon sadokudo jetën e tyre por, parë më gjerë, ndikon e ngjyros tejpërtej jetën tënde.
Tekstin e plotë e gjeni KËTU
