M’len me t’dashtë
edhe pa të pasë
Edhe pa kénë bashkë
m’lén t’thashë!
Nuk gaboj kur them do t’vij
e se do iki pa ba zhurmë!
M’len veç pak me ta puthë synin
E do t’zhdukem nëpër turmë!
T’dashurumt s’do i çoj prej gjumit
edhe ata dûn me gabu.
Mkatnorët e natës puthen ngutshëm
kur vjen orari me u largu.
M’len me t’dashtë pash hatrin e Zotit
Njashtu siç di, apo si t’mundem
Në mos dëgjofsha rrahje zemre
do t’di vetë sesi t’shkëputem.
Pa ba za do ec majë gishtash
prej gjumit betohem s’kam me t’çu
M’len veç sonte me t’dashtë pastër
Se n’ag t’ditës do të jesh pa mu…
ObserverKult
—————————————————————
Lexo edhe:
ALBINA GJERGJI: EJA MË DUEJ SHPIRT…
Poezi nga Albina Gjergji
Eja më duej shpirt.
Më dhemb koha që tretet në pritjen
Me u dhanë pa pyetë
Si,
A
Qysh
Duhet
Me u dashtë (?)
Hiqe pallton gri
Që veshë i ke qiellit tonë
E t’vrapojmë në rrugën e t’amlit
Mbi re. Yjet presin me u mbledhë
E shporta don mbushë
me ngjyrë të kuqe…
Jepma dorën zemër
Dorën ma jep
Të bajmë sikur dimni ka ikë
E që pranverën pa e kena
T’u’j ardhë qysh në shkurt.
Poezinë e plotë mund ta lexoni KËTU:
ObserverKult
