Boksieri i njohur Petrit Bardhi është në mesin e 13 të arrestuarve si pjesë e një bande droge në Itali.
Bardhi, i njohur si “Titi”, është arrestuar bashkë me këngëtaren e njohur, Elsa Lila.
Bardhi është shok i ngushtë i Arben Zogut, 40 vjeç, i njohur si ultras i ekipit të Lacios. Zogu i cili njihet me emrin “Riçardino” u dënua me 20 vite burg me akuzën e përfshirjes në trafikun e drogës.
Arben Zogu bashkë me dy shqiptarë të tjerë Orial Kolaj, 30 vjeç dhe Petrit Bardhi, 39 vjeç, u arrestuan gjatë një operacioni të policisë italiane në vitin 2015. Ata ishin pjesë e grupit mafioz “Guarnera”, e përbërë nga një grup i madh qytetarësh shqiptarë, që cilësohen si “boksierët”.
Mes tyre është edhe boksieri Orial Kolaj, ‘kampioni italian dhe evropian i peshave të mesme dhe maksimale’.
Shqiptarët akuzohen se janë të lidhur me nëndegën e Kamorrës, i njohur si klani i kazalezëve. Shitja e kokainës dhe mbledhja e gjobave ishin aktiviteti kryesor i shqiptarëve, transmeton “periskopi”.
Njeriu kyç, Arben Zogu drejtonte pjesën që kishte lidhje me Shqipërinë.
Orial Kolaj, një boksier me origjinë shqiptare, i cili fitoi në vitin 2012 kampionatin italian të peshave të rënda, së bashku me dy bashkatdhetarët, Arben Zogu dhe Petrit Bardhi, ishin autorët e akteve të dhunës dhe frikësimit të të gjobiturve.
Lexo edhe:
ELSA LILA: NËNË MË SHFAQESH NËPËR ËNDRRA (TEKSTI DHE KËNGA)
ObserverKult
