Nga Artan Fuga
Prindërit janë të dashur për të gjithë ne, për qenien njerëzore, edhe kur janë ndarë nga jeta.
Unë e kam parametrin e parë për të gjykuar dikë: Sa është i përkushtuar për të kujtuar dhe respektuar prindërit e tij, të parët e tij, krahinën e tij, qytetin, lagjen e tij, miqtë e tij të fëmijërisë, mësuesit e tij, pra dashuritë e para, edhe kur ata nuk jetojnë më!
Aty bëhet njeriu – njeri!
Unë sot përkujtoj me familjen time ndarjen nga jeta të atit tim, Myqerem Fuga, një njeri si të gjithë të tjerët, që nuk donte të ishte as më shumë e as më pak se ata, mësuesi im i parë në filozofi, shkenca shoqërore dhe letërsi.
Që nga lart ai më sfidon shumë edhe sot! A do të kisha qenë unë në atë lartësi patriotizmi sa ai, që në vitin 1942, ndërpreu studimet për letërsi në Universitetin e Firences, braktisi Petrarkën që ma vjershëronte shpesh, la tekstet e Ovidit, Mark Aurelit, etj., për t’u kthyer në atdhe dhe rezistuar ndaj pushtuesit?!
A do ta kisha bërë unë?
Kjo pyetje nuk më lë rehat, por mbetur pa përgjigje, një gjë e di mirë, sa herë një projekt apo një qëndrim madhor më skicohet në kokë, një nga parametrat për ta gjykuar mbetet ky: Po Ai si do të kishte bërë?
Nuk e di si e keni ju miq, por unë nuk çlirohem dot nga kjo pyetje. Eh, çdo njeri ka dobësitë e veta!
Unë një gjë përsëris: Miqtë e tij janë miqtë e mi, fëmijët e miqve të tij janë miqtë e mi! Pikë!
Unë falenderoj thellësisht z. Zylyftar Hoxha, gazetar, intelektual patriot që ka menduar ta shkruajë këtë artikull për kujtimin e atit tim, si edhe gazetën Dita që e ka botuar sot!
P.S.: Shkrimi është shkruar kohë më parë
ObserverKult
Lexo edhe:
ARTAN FUGA KA DISA FJALË PËR BIG BROTHER: MOS SHANI POPULLIN O BUDALLENJ TË MIRË…
Nga Artan Fuga
Shumë e komentojnë Big Brotherin në tv. Unë për vete nuk e shoh sepse e njoh mirë modelin dhe formatin e tij në planin filozofiko-sociologjiko-psikologjik. Këta muaj më shumë shoh Al Pazar, kënaqem, por edhe e studioj!
Ca e shajnë Big Brotherin, ca e lëvdojnë, ca protestojnë, ca rrinë me ethe te ekrani, ca e promovojnë! Të gjitha bashkë pa dallim i japin edhe më shumë energji!
Veç kur shajnë popullin se është budalla, i molepsur, dele meqë pasionohet pas atij emisioni, kur nxehen me protestuesit që artificialisht vijnë te Big Brotheri, , etj., këtë nuk e pranoj!
Tekstin e plotë mund ta lexoni KËTU:
ObserverKult
