Artistët nga Kosova në krye me dramaturgun Jeton Neziraj në Firence të Italisë luajtën shfaqjen “The Handke Project”, por me t’u kthyer nga aeroporti i Tiranës dhe vazhdimin e rrugës për në Kosovë u ndodhi diçka e papritur.
U arrestuan nga Policia e Shqipërisë, ku sipas një postimi të dramaturgut Jeton Neziraj në rrjetet sociale, u mbajtën me dhunë, u terrorizuan në mënyrën më të keqe. Ekipi i “The Handke Project”, u mbajtën mbi 10 orë në stacionin Policor të Kukësit.
Në krejt këtë ngjarje aspak të këndshme, gjegjësisht terrori sistematik ku kanë qenë të sulmuar fizikisht e psiqikisht nga vagabondë të veshur me uniformë policie ka hasur edhe në disa policë njerëzorë që janë sjellë në mënyrë profesionale.
Neziraj ka deklaruar se janë ndjerë të turpëruar për sjelljet dhe veprat e Policisë shqiptare, gjatë atyre orëve që kanë qëndruar në stacionin policor në Kukës.
Krejt kjo ngjarje sipas Nezirajt ka ndodhur për shkak të ndalimit gabimisht të tyre në vend të një grupi nga Kosova që janë dyshuar për kontrabandim tritoli.
Ekipi i shfaqjes The Handke Project pas lirimit nga Policia janë kthyer të hënën në mëngjes në Kosovë.
Këtë veprim të Policisë shqiptare e kanë kritikuar shumë fytyra publike, në theks të veçantë nga Shqipëria.
Postimi i plotë i Jeton Neziraj:
Artistët nga Kosova bëhen subjekt i dhunës policore në Shqipëri
Mbrëmë vonë u kthyem nga Firenze, ku e kishim luajtur shfaqjen tonë “The Handke Project”. Përgjatë rrugës për në Kosovë nga Aeroporti Ndërkombëtar i Tiranës “Nënë Tereza”, një pjesë e ekipit të shfaqjes jemi ndaluar në Kukës, ku jemi mbajtur me dhunë e terrorizuar nga policia e shtetit shqiptar.
U mbajtëm për mbi 10 orë, fillimisht në oborrin e stacionit policor në Kukës, e më pastaj në Drejtorinë Vendore të Policisë në Tiranë. Përfundimisht, u lamë të lirë mëngjesin e sotshëm, pasi u sqarua se ishim arrestuar e mbajtur gabimisht.
Megjithatë e ndiejmë të nevojshme t’ju informojmë se gjatë kësaj aventure jo të këndshme, megjithëse kemi takuar e njohur punonjës policie të zellshëm, të sjellshëm, profesionalë e dashamirës, pamja e përgjithshme e Policisë së Shqipërisë është ajo e një ngrehine dhune të normatizuar.
Gjatë këtyre rreth dhjetë orëve kemi qenë pre e një terrori sistematik, kemi qenë të sulmuar fizikisht e psiqikisht nga vagabondë të veshur në uniforma policore.
Për një kohë kaq të shkurtër disa-orëshe kemi parë e ndeshur një botë njerëzish që objektivë të parë kanë poshtërimin e uljen e dinjitetit të tjetrit; Që gjuhen seksiste, dhunën psiqike, shakatë pa kripë e kërcënimet i kanë kryefjalë të punës e sjelljeve të tyre. Ne thjesht, ndihemi të turpëruar për sjelljet dhe veprat e tyre.
Ndërkohë, atyre qe janë sjellur njerëzisht me ne, u themi faleminderit. Duam të besojmë që këta janë policia e vërtetë e shtetit shqiptar.
U themi faleminderit edhe miqëve, kolegëve, përfaqësuesve të institucionev në Kosovë e Shqipëri dhe të gjithë atyre që janë shqetësuar e kanë bërë telefonata per të na kthyer në Kosovë sa më parë dhe krenarë, ashtu siç po ktheheshim nga Firence e Italisë, ku ishim dhe e shfaqëm me sukses shfaqjen ‘The Handke Project’ në Teatro di Rifredi atje.
Ekipi i shfaqjes The Handke Project.
ObserverKult
Lexo edhe:
LEON LEKAJ: FLI VIOLINA IME
Fli violina ime”, poezi nga Leon Lekaj
Tingujt e violinës kanë heshtur, s’bien më
Ka heshtur me ta dhe gëzimi im i mirë
Ka kohë që mes ëndrrash violina ime fle
Dhe unë me të të flija do kisha dëshirë
Lart mbi komo fle violina ime.
FLI! Se unë s’mundem të të zgjoj tani
Do derdheshin prej teje sa e sa kujtime
Ndaj violina ime, ti më mirë fli!
Do të zgjoj një ditë në një mëngjes të bardhë
Kur gzimi të jetë kthyer tek unë përsëri
Atëher’ kujtimet le të derdhen varg
Tani në mes ëndrrash, violina ime fli!
Poezinë e plotë mund ta lexoni KËTU:
SABIT RRUSTEMI: KËTË ZEMËR VETËM MOS E LË
Poezi nga Sabit Rrustemi
andej dritares je
shtegut të ngrirë prej bore
nën flokët e blerta të pishave
e brenda s’hyn
a unë që nga mesnata e vjeme
e parvjeme pres
mosardhjen
Poezinë e plotë mund ta lexoni KËTU:
ObserverKult
