Astrit Çerma revoltohet me Xhevahir Zenelin: Deri këtu kemi arritur? Dhe pastaj ankohemi për “Big Brother” e “Përputhen”

Aktori i njohur Astrit Çerma, që prej vitesh jeton në SHBA, është revoltuar me një video të aktorit tjetër Xhevahir Zeneli.

Ky i fundit shfaqet duke treguar një barcoletë me një djalë shqiptar, që martohet me një vajzë serbe.

Çerma shkruan se kemi përfunduar shumë keq, kur dhe aktorët bien në këtë nivel.

“Natyrisht që i ndjekim TV-të. Natyrisht jo të gjitha..

Shohim në to edhe gjëra të mira, edhe të bukura, edhe të vlefshme, edhe bajate, edhe idiote, edhe, vende-vende sipas bindjes së secilit: edhe për turp e faqe të zezë, por…

Por ajo që pashë dje rastësisht në një “Tik Tok” që jep facebooku, siqerisht më la pa mend

Deri këtu kemi arritur?!

Doli një aktor, që, të thuash atë që është: ka krijuar një repertor të tij të pëlqyeshëm dhe të respektuar nga publiku…

Ky aktor, siç e pashë, kur herë pas here çfaqej edhe auditori me të gjithë moshat, dukej se ishte i ftuar në ndonjë emision.

Dhe aty, tepër serioz dhe i përkushtuar rrëfente një biçim anekdote:

Shkurt: Një djalë shqiptar i kërkonte të atit të martohej me një vajzë serbe.

Pa tjetër, i thotë i ati- të bëjmë dasëm që ta shohi Serbia se sa shumë jemi.

Ta marrësh pastaj nusen në krahë dhe ta ngjitësh nëpër shkallë për tek dhoma e gjumit që të shohi Serbia se të fortë jemi.

Pastaj në dhomë hap dritaren dhe tregoi serbes se çfarë sheh të gjitha janë tokë shqiptare.

Pastaj, në fund zhvishe nusen fare lakuriq dhe ulu përpara saj, dhe bjeri me dorë që ta marri vesh Serbia se ne nuk pjerdhim për to.

Deri këtu kemi arritur.

Nëse po, atëhere mos u qani as për ” përpudhjet”, as për “bik bradhërin”, as për “luanën”, as për shalët, brekët, gjokset, e turlilloji qefleshah e qeflijsh që kanë mbushur ekranet, gazetat e revistat.

Jo. Mos u qani. Thjeshtë sepse kemi marr fund…”, shkruan Çerma./vjosa.net

ObserverKult


Lexo edhe:

AKTORI ASTRIT ÇERMA PËR PROGRAMET E HUMORIT NË SHQIPËRI: AS ME AMATORËT E NDËRMARRJEVE NUK I KRAHASOJ DOT

Aktori i njohur Astrit Çerma shquhet për ironinë e tij ndaj fenomeneve shqetësuese në shoqëri, politikë e patjetër në fushën e kulturës.

Së fundmi nëpërmjet një statusi në “Facebook”, ai është shprehur se emisionet e humorit sot, as nuk krahasohen me humorin që është bërë dikur nga estrada, apo profesionistët.

Tekstin e plotë mund ta lexoni KËTU:

ObserverKult