Poezi nga Besa Bytyçi
Që nuk qohna prej gjumit
(Se shpirt po bajmë)
E di që ke me i njeh yjet e fundit t’sabahit
E ke me shpejtu me jau ngjitë ka ni emën
Ke me lujtë me yjt e zbeht që kanë metë
T’sfiduemit e fundit t’dritës…
O e di edhe që ke me ju kallxu qysh me ba dritë edhe ditën
Ke me u munu me ju dhanë zjerm
E ke me metë pa gjumë
tuj u munu me dhezë t’tjerë.
Po kur t’nisin me u shukë nji nga nji
Dëshpërimisht ke me ardhe me ma puthë ashtin
T’ngjitun pashmangshëm me tokë
Ti që t’dheza, t’dhash dritë…
E asnji ylli s’ja vune emnin tem.
Rrno n’dish!
ObserverKult
Lexo edhe:
BESA BYTYÇI: MERRE GJININ TEM, ATDHE!
Merre gjinin tem, Atdhe!
Thithe…
Se asht ligj, thonë:
Kur s’thithet gjini, tamli hupë.
Atdhe,
e vogla jem dje vdiq,
nër rrënoja t’nji gërmadhe dha shpirt…
Nji gur na ndau!
Për pak, veç për pak nuk mrrini gjini jem n’gojë t’saj.
Oh, Atdhe,
Me tanë fuqinë desha me ja afru gjinin,
Po s’ke punë me mrri te gojë e saj!
E vogla jem s’asht ma…
Thithe tamlin tem, Atdhe!
ObserverKult
Çmimi Nobel në letërsi për vitin 2022 ju dha autores franceze Annie Ernaux.
Në arsyetimin e akademisë thuhet se Ernaux shpërblehet “për guximin dhe mbrehtesinë klinike me të cilat ajo zbulon rrënjët, largimet dhe kufizimet kolektive të kujtesës personale”.
Annie Ernaux u lind në Lillebonne, më 1940 dhe është një nga zërat më autoritarë të panoramës kulturore franceze.
Librat e saj studiohen dhe botohen në të gjithë botën.
Për botuesin e saj Gallimard, vepra e saj është e shenjtë, arsye kjo për të cilën ia ka përmbledhur ato në një vëllim të gjitha shkrimet kryesore, në kolanën prestigjioze Quarto.
Në librat e saj Ernaux përdor metodën që të jep autobiografia për të transformuar rrëfimin e jetës tënde në një instrument hetimi social, politik dhe ekzistencial.
Konsiderohet si autore e një letërsie klasike bashkëkohore dhe adhurohet nga breza të tërë lexuesish dhe studentësh.
ObserverKult
