Dëgjoje trupin tënd dhe respektoje
Nga: Catherine Black
Mos u nxito dhe mos ki frikë. Zgjidh atë që të duket më e drejtë, por ndonjëherë, kur të mundesh, zgjidh edhe çka të bën të lumtur.
Nëse nuk i gjen dot fjalët, lëri sytë të flasin. Mëso të lexosh sytë e të tjerëve. Mëso të kuptosh atë që nuk ta thonë.
Dëgjoje heshtjen dhe bëji pyetjet më të sikletshme që të vijnë ndërmend.
Mos u ndal nga frika për t’i bërë gjërat që duhen bërë. Ik kur duhet të ikësh, ndalu kur të mundesh; ka një çast kur duhet të mbjellësh dhe një çast kur duhet të korrësh. Mëso t’i dallosh çastet dhe shijoji.
Dëgjoje trupin tënd dhe respektoje; pusho kur ta kërkon trupi, ha kur ke uri dhe ndonjëherë dehu me verë, dashuri dhe me ëndrra.
Ec vetëm në plazh, ose brenda një pylli dhe qaj nëse të vjen për të qarë, por përpiqu të qeshësh më shumë.
Lëri gjërat të rrjedhin por mos harro:
Kërko të respektojnë, por mos harro të pyesësh veten nëse ti i respekton të tjerët. Pranoji mësimet që çdo goditje mund të të japë, por mos e prano padrejtësinë.
Dhe mos harro, se ajo çka të bën të ndryshme ose të çuditshme, nuk është medoemos dobësi.
Përktheu: Elona Caslli
ObserverKult
_ _ _ _ _ _ _ _ _ _ _ _ _ _ _ _ _ _ _ _ _
Lexo edhe:
MAHMUD DERVISH: AJO NUK PO VJEN
Ajo nuk po vjen “dhe as nuk do të …”, – thashë.
Kështu që, unë do të kthehem të ndreq mbrëmjen,
Me atë ç’i shkon zhgënjimit tim e mungesës së saj:
Shova qirinjtë e ndezur për të,
Hapa dritat e rregullta elektrike
e piva gotën e saj dhe e theva.
Muzikën ritmike të violinës e zëvendësova me këngë
perse
Thashë: ajo nuk po vjen.
Do ta liroj kravatën time elegante,
(në këtë mënyrë ndihem më rehat).
Vishem me pizhamet blu,
eci këmbëzbathur, po qe se dua
ulem i tulatur këmbëkryq në divanin e saj
dhe e harroj. I harroj të gjitha gjërat që mungojnë.
Të gjitha gjërat që i përgatita për festën tonë i ktheva
në vendet e tyre. Dhe hapa të gjitha dritaret dhe perdet e
mia.
Nuk ka asnjë sekret në trupin tim para natës
veç asaj që prisja dhe humba…
U talla me fiksimin tim për të pastruar ajrin enkas për
të,
(e parfumosa me ujë trëndafili dhe limoni)
Ajo nuk po vjen…
Do ta zhvendos orkidenë nga e djathta në të majtë,
Ashtu që ta ndëshkoj
atë për harresën e saj
Mbulova pasqyrën e murit me një pallto
në mënyrë që të…
Shkrimin e plotë e gjeni KËTU.
ObserverKult
