Filluen shirat, e pale kur ka me e nal zemërimin moti
Dita ka marr; ngjyren e hinit t’lagun
E nata gjemon si grue n’prag t’lindjes me dênes
Ti rri i fshehun
Un s’munem me e çu zanin me t’thirr
E kam t’lidhun fytin me do mërzi t’miat ,e nuk due me ti dhan’ ty
Se m’vjen marre
Ti n’daç eja
Mos m’lê me t’harrue…
Tash edhe dimni asht njat
ka me fillue me ra bora… shtegu për me ardh tek un’ ka me u myll
Kan me fillue me i xjerr dhambt ujqit
E ulkonjat kan me vallzue n’drit’ t’hanës t’veshuna deri n’fyt
Ti mos u ngut me ardh
Ani pse un’ rri tu t’prit me nji gotë venë n’dor’ me ju gzue andrrës teme t’moçme
N’trill m’je kthye…
T’laj e t’lyej me pikla shiu qi i mbledh n’streh t’penxheres
Ku zogjt m’lan kujtim nji fole t’braktisme
Mos m’lë me t’harrue
Mos m’lê…
