Edhe pse njihet si një poete moskokëçarëse dhe mjaftueshëm rebele për të përballuar “sulme” të shumëllojshe, Rita Petro ka rrëfyer në Quo Vadis se e ka ndjerë censurën në profesionin e saj, vetëm për faktin se është grua.
Përballë moderatores Pranvera Borakaj, Rita tha se kohët kanë ndryshuar tani dhe ka gjithnjë e më shumë gra nobeliste.
Rita Petro: Unë spikas dhe bëhet një zhurmë e madhe në 2015, 2016, 2017 kur ne jemi tamam në kohën e demokracisë. Kanë kaluar 15 vjet.
Kjo ka lidhje pastaj me autocensurën e artistit. Pra në qoftë se dikur ishte censura shtetërore dhe nuk të lejonte, disa poetë u burgosën, u vranë edhe çfarë nuk ndodhi…si rasti i poetit Visar Zhiti ose poetët të cilët edhe i kanë pushkatuar. Ose edhe artistë të tjerë, festivali famëkeq i 11-të që disa edhe u burgosën…mirëpo në këto situata ti pas ’90 thua ne jemi të lirë të shprehemi. Atëherë është censura e opinionit publik.
Kjo nuk është vetëm te ne. Kjo ndodh në gjithë botën dhe sidomos në letërsinë e grave, sidomos në letërsi ku filluan të shquhen edhe shkrimtaret femra.
Nuk kanë kaluar shumë vite ku ne për shekuj të tërë e gjejmë femrën vetëm si personazh dhe në shekuj të tërë kanë qenë vetëm autorë që kanë shkruar për gratë.
Mund të ketë një shekull, dhe sidomos në botën e qytetëruar kur gruaja dallohet edhe si shkrimtare. Sot po bëhen nobeliste më shumë shkrimtare gra të cilat si duket po marrin dhe hakun e gjithë atyre shkrimtareve të tjera.
Videon mund ta shikoni duke klikuar KËTU: /vizionplus.tv
ObserverKult
Lexo edhe:
“A DO VISH I DASHUR?”, POEZI NGA RITA PETRO
o vish të shkasim
Në qetësinë e natës
Në lumin e zi
Që të çon te shpella
Ku jeton kuçedra?
Ajo është me barrë
Dhe do pjellë
Shtatë kuçedra të vogla
Që ushqehen me flakëza dashurie
Nga shtatë gojët e mëmës.
A do vish i dashur?
Ajo na pret.
Thotë se qyteti
Do mbetet pa ujë
Poezinë e plotë mund ta lexoni KËTU:
ObserverKult
