sa herë k’nua kam
e k’putë m’janë telat e sharkisë
pejtë e zemrës ia kam ngjitë
kangën n’gjysë s’e kam lanë
as vetëm trimin e lirisë
sa herë m’janë thye gishtat
e shpirti mallit coptua
n’bishtin e sharkisë nxe i kam
telave tue i ladrua
mirë kanga po t’shkojka
t’lumtë zani m’keni thanë
por unë s’kam k’nua
veç vajin tim
hangër e kam me dhambë
kur fijet e shpirtit m’janë k’putë
kangën n’gjysë s’e kam lanë
lidhë i kam me telat e sharkisë
kam k’nua
veç mos t’bahet gjamë
