kryet tand e kam vu te shtrati
si gjysmën e hanës
me ba dritë
me folë e me folë
kur malli shkon kah s’të çojnë kamtë
e ndalet të ajo dardha gurçe
aty mbi gardh
të sheu i vogël n’cikol
që dimni e ban me dhamë akujsh
kryet tand e kam vu te shtrati
me folë e me folë
kur malli shkon të ato mollat përballë teje
që i hanë sorrat n’rrem
t’ngrime bore
po
kryet tand e kam te shtrati
si rreze hane
e hijen e bajë me veti n’xhepat e mallit
veç emnin ta kam shkrua n’gur
për mos me harrua
kur t’përtojnë sytë me pa
veshët me ndëgjua
