Gjeneral
po t’flas unë reperi plak i ditëve t’humbuna
që veç dështimit rrugëve me libra
s’pata t’mirë tjetër
pa nji fije arti pa pikë morali
plak që reciton vargje për pesë euro
kaqë je ti që flet t’madhe
m’thonë ata që fjalën e duen si t’vetën
m’thuej pse nanat tona ishin sojnike
pse baballarët ishin trima
stërgjyshët aq besnik
kur ne jemi ziliqarë
t’krymbun mendësh e lakmishë
Të vorri s’mujta me t’i thanë këto fjalë
u ndala këtu n’kodra
prej nga tanksat serb gjuejshin granata
Adem
po i fshijë sytë e lagun unë reperi plak
siç tallën me mua do t’ditun
se gjetë t’kam sa herë mu ke dashtë me ma forcua fjalën
gur me ma ba vargun e plisin diell mbi krye
hovin kam dashtë me ta ndalë
automatikun me ta puthë
por tutë jam mos lotët e plakut barutin ta lagin
Prishtinë, 18.11.2020
ObserverKult
Lexo edhe:
