Thënie nga Mahmoud Darwish, shkrimtar palestinez
– Unë do të shkrihem brenda gjethes së manit, ku krimbi i mëndafshit të më shndërroje në një fije të mëndafshtë, e prej aty të hyj në gjilpërën e një gruaje nga ato të legjendave, mandej të fluturoj si një shall, bashkë me erën.
– Sado të jetë mosha jote, do të bësh sjellje fëmijësh sa herë që ulesh me një person me të cilin zemra jote ndihet rehat.
– Historia tallet me viktimat dhe me heronjtë e saj, u hedh një vështrim dhe vazhdon rrugën.
– Kur përfundon dashuria e kuptoj që nuk ka qenë dashuri, sepse dashuria duhet të jejtojë, jo të shndërrohet në një kujtim.
– Ka njerëz që e shohin dashurinë si jetë, e ka të tjerë që e shohin thjesht një gënjeshtër. I pari është takuar me shpirtin e tij, i dyti e ka humbur atë.
– Nëse vendos mos të t’i hedh sytë, më beso, edhe nëse ulesh mbi qerpikët e mi nuk të shoh.
– Harresa është ushtrimi i imagjinatës për të respektuar realitetin.
– Dashuria nuk është një mendim, por është një ndjenjë që nxehet e ftohet, vjen e shkon.
– Sa e bukur është rastësia, sepse nuk ka pritje në të.
– Mbase ka vdekur, sepse vdekja dashuron befas, njëlloj si unë. Ajo, po si unë, e urren pritjen.
– Dje na mungonte liria… Sot na mungon dashuria… Kam frikë se nesër do të na mungojë njerëzillëku.
Perktheu: Elmaz Fida
ObserverKult
Lexo edhe:
