![dritëro agolli libri dritëro agolli](https://observerkult.com/wp-content/uploads/2021/01/agolli-696x474.jpg)
Kur ikja larg drejt teje vija
kur vija afër ikja larg
për dreq më trembte largësia
dhe afërsia bëhej çark
As e kuptoja si të desha
një mjegull pus një çmenduri
si një poet që shkruan vjersha
dhe ndez një shkrepse dhe i bën hi
Dhe ndoshta kjo ish dashuria
e çakërdisur kuturu…
për dreq më trembte largësia
dhe afërsia gjithashtu.
*Titulli i origjinalit: “Mjegulli i dashurisë”
ObserverKult