E bija fitoi çmimin e jurisë në Festivalin e Belgjikës, Robert Aliaj: Për Eurovizion zgjodhën një këngë pazari

Gala Aliaj është shqiptarja që po na bën krenarë të gjithëve në botë. Ajo ka fituar çmimin e jurisë në Festivalin e Belgjikës, dhe vetëm 7 vota e ndan nga çmimi i publikut për të përfaqësuar vendin në Eurovizion.

Në një lidhje me Skype për “ABC e Mëngjesit”, babai i Galës, artisti i njohur, Robert Aliaj Dragot, tregoi emocionet e kësaj eksperience dhe zhgënjimin që ai pati, pasi kënga fituese ishte shumë e zakonshme.

Sipas Robertit, votimi online nuk funksionoi si duhet, ndryshe nga kontrata.

“Juria e dha fituese Galën dhe pastaj votat e publikut, për 7 vota më shumë në fakt mes qindrave votave, fitoi një këngë qesharake, këngë nga këto të festave të pazarit të ditës së dielë siç quhet.

Tani unë dukem sikur kam urrejtje, nuk kam fare. Thjesht në një moment ëndërrova sepse më erdhën përfaqësues nga labeli Univers dhe më thanë që Gala ka fituar, sepse kishte një problem në sistemin e votimit.

Nuk funksionoi sistemi i votimit online dhe në kontratë është e qartë që thotë kur sistemi nuk funksionon, mbetet në fuqi vota e jurisë. Ishin gati 90 veta, ku katër ishin vetëm në skenë.

Gala nuk diskutohet që ishte pothuajse e vetme në freskinë që sillte, vetëm 17 vjeçe dhe solli një dimension muzikor ekstrem.

Po të flas do të duket shumë e vështirë por nuk ja vlen. Por ne jemi ‘‘happy’’ se fituam, pavarësisht se nuk do të përfaqësojmë Belgjikën”, u shpreh ndër të tjera ai./abcnews.al

ObserverKult


robert aliaj

Lexo edhe:

ROBERT ALIAJ TREGON PSE VESH FUNDE E FUSTAN: KAM 12 VITE QË E BËJ. SHKËPUTEM NGA LLUMI!

Robert Aliaj njihet për veshjen e tij ekstravagante dhe stilin e jetës. Ai ishte mëngjesin e sotëm i ftuar në emisionin “Wake Up” për të komentuar trendin më të fundit të burrave të famshëm, të cilët janë shfaqur në publik të veshur me funde ose fustane.

Tekstin e plotë mund ta lexoni KËTU:

ObserverKult