(Një mënyrë për të shpëtuar nga koronavirusi)
atje diku në paanësinë
ndërmjet zjarrit e planeteve
në pluhurin e terrtë kozmik
jam grimcë
spërkatur me dritë
shpirtthërmuar rreth orbitës sate të prushtë
vërtitem
ç’koreografi
të godas me mollë
i pret me shami prej ere
koha dhe hapësira marrin tjetër trajtë
gjithseçka ka pamje të parajstë
zo’ ruajna shkëputjes nga graviteti
pa ty moirë
s’do të isha veçse vetmitari i xhehnemit
