Enkeleda Ristani: Në fund të historisë vdes njëri nga ne…

Në fund të historisë vdes njëri nga ne, Gyter
Ata shpëtojnë bythën gjithmonë
Në emër të ligjit
Të fjalës së shkruar
Të vetmes njollë të zezë mbi të vetmen gjë të bardhë që kanë
Të kartoneve me të gjitha ngjyrat e vdekjes sonë
Ne duhet të bindemi
Të bindemi literalisht
Çka do të thotë
T’i falemi të vetmit Zot, Gyter
Vdekjes
Që në fund të historisë
Nuk kupton asnjë nga fjalët e ritualit me të cilat e thirrën
Kthen kokën të shquajë të vertetën e thirrjes
Qingjin që i perket
Përballë ka vetëm fjalët dhe një nga ne
Veçse, Gyter, Vdekja është e vetmja që nuk e ha fjalën…

ObserverKult