Aktorja Eva Alikaj, kohë më parë, ishte e ftuar në programin “Dola te Ola”, ku foli gjerë e gjatë për rolet e saj të shumta. Ajo ka patur role të suksesshme që kanë mbetur në memorien e të gjithë shqiptarëve.
Teksa u pyet se cilin nga rolet do të veçonte, aktorja tha se rolin e Verës, te “Njeriu i mirë” dhe këtë do ta cilësonte si rolin e jetës pasi e ndien më afër karakterit të saj.
Sipas Evës, kinematografia shqiptare prej gati 30 vjetësh është në gjendje jo të mirë, pasi artistët e brezit të saj pas viteve ‘90 në njëfarë mënyre u lanë mënjanë totalisht.
“Në vitin ‘90 nuk e filluan aty ku u la, le të kishte gjëra të reja, por jo të lihej mënjanë ai brez me aktorë të shkëlqyer. Në atë kohë aktorët ishin elitarë, unë mendoj se asokohe e kemi bërë më të bukur Shqipërinë”, tha ajo.
“Ne e kemi bërë më të mirë Shqipërinë me filmat tanë. Pas rënies së komunizmit, donin të na fshinin dhe ne”, u shpreh Alikaj.
Janë të shumtë aktorët e mëdhenj të kinematografisë shqiptare me të cilët Eva Alikaj ka ndarë skenën, një prej tyre është edhe aktori i mirënjohur Ndriçim Xhepa. Teksa në program u shfaqën fotografi nga shfaqjet “Prometeu” i Viktor Eftimiut dhe “Romeo dhe Zhuljeta” ku dy aktorët ishin partnerë, Eva tha se për të ka qenë shumë kënaqësi të interpretojë në skenë me Ndriçimin. Sipas saj, Xhepa është aktor shumë i mirë.
Ndërkohë për pjesën jashtë interpretimit, Eva Alikaj tha se me Ndriçim Xhepën nuk ishin shokë të mirë, “Çimi nuk ishte shumë i sjellshëm, nuk të uronte kur kishe një premierë”./ aktorëtshqiptarë
ObserverKult
Lexo edhe:
EVA ALIKAJ INTERPRETON POEZINË “RETRO” TË LIRIDON MULAJT (VIDEO)
Aktoja e njohur, Eva Alikaj interpreton poezinë “Retro” të Liridon Mulajt
E parkove makinën?
Më duket se po, e parkova.
Po furrën e fike?
Edhe furrën po, nuk e harroj asnjëherë…
E shuajte aspiratorin?
Tenxheret i zbrase në kapakët e kauçukut?
A i lave shapkat, dhe rimelin e zi sterrë të syve?
Jastëket që i hodhe në dysheme teksa shikoje
e pashqetësuar filmin e preferuar?
Rrobat e lara i hape në tel?
Po plazmën e fike?
Dritat, ujin, kondicinierin, magnetofonin i fike?
Dhe axhendën, këpucet me taka dhe takimet e shumta të karrieres?
Parfumin Versace, furçën e pudrës dhe varësen me
perla që të kombinon me vathët?
Flokët, piastrën, kremin e natës, fustanin e gjumit.
Mbathjet me tantellë me vrima që të lëmojnë
vithet.
Recipetat prej mëndafshi dhe tatuazhin në shpatull, që shpesh të kujton atë që s’do ta kujtosh?
E mbylle derën, sytë, gojën, këmbët dhe je gati për gjumë?
I mbylle të gjitha?
Po po dhe ëndrrat kyçi deri nesër,
Poezinë e plotë mund ta lexoni KËTU:
ObserverKult
