Miguel Benites
Mbi qiellin e zi
Vetëtima të verdha.
Erdha në këtë botë me sy
dhe po shkoj pa ta.
Zot i dhimbjes së madhe!
Dhe pastaj,
një shandan dhe një kuvertë
përtokë.
Desha të arrija
ku arrijnë të mirët.
Dhe arrita, o Zot!…
Por pastaj,
një shandan dhe një kuvertë
përtokë.
Limon i verdhë,
Limon.
Hidhni limonët
në erë.
E dini megjithatë!…
Pse pastaj,
një shandan dhe një kuvertë
përtokë.
Mbi qiellin e zi
vetëtima të verdha.
Përktheu: Faslli Haliti
