Festivali gjithëpërfshirës “Mirëdita, dobar dan” ka disa vite që është mbajtur në Kosovë e Serbi derisa këtë vit ka ardhur me një risi. Bëhet fjalë për hapjen e edicionit të tij të parë, në Austri.
Festivali “Mirëdita, dobar dan” ka për qëllim të bashkoj artin, kulturën, avokimin dhe debatin publik në një platformë.
Krejt kjo duke bashkuar artistë, aktivistë të të drejtave të njeriut si dhe krijues të opinionit, festivali synon të krijoj hapësira gjithëpërfshirëse ku përndryshe shpesh mbizotërojnë mospajtimet.
Edicioni i parë në Vjenë u organizua nga Iniciativat Qytetare Austria, Integra dhe YIHR ndërsa solli po të njëjtat mesazhe.
Më tej njoftimi i plotë në portalin “Mirëdita, dobar dan” lidhur me mbajtjen e Festivalit për herë të parë në Vjenë:
Jemi të lumtur të iu njoftojmë që festivali gjithëpërfshirës dhe ndërkulturor “Mirëdita, dobar dan!” do të festojë hapjen e edicionit të tij të parë në Austri, më 29 nëntor 2023.
Festivali i cili mbahet që nga viti 2014 në Serbi dhe Kosovë bashkon artin, kulturën, avokimin dhe debatin publik në një platformë.
Duke bashkuar artistë, aktivistë të të drejtave të njeriut si dhe krijues të opinionit, festivali synon të krijoj hapësira gjithëpërfshirëse ku përndryshe shpesh mbizotërojnë mospajtimet.
Edicioni i parë i cili do të mbahet më 29 nëntor në Vjenë organizohet nga Iniciativat Qytetare Austria, Integra dhe YIHR dhe po vazhdon të përcjellë të njëjtat mesazhe.
“Në Vjenë jeton një komunitet i madh nga Ballkani.
Edhe pse shumica prej nesh janë të vendosur dhe integruar plotësisht në Austri, kemi ende vlera të ndryshme që bartim nga prejardhja jonë që mund të na pengojnë në vend që të na bashkojnë”, thotë iniciatorja Bistra Kumbaroska.
“Hapësirat që mundësojnë gjithëpërfshirje dhe aktivitetet e përbashkëta na ndihmojnë t’i kapërcejmë ato dhe na kujtojnë vlerën dhe bukurinë e vërtetë të diversitetit.
Sepse përfshirja mund të jetë argëtuese, kur nuk e mendon shumë.”
Të gjitha gjërat e mira vijnë në tre
Duke u argëtuar së bashku, por edhe duke dhënë mundësi që t’i shohim dhe pranojmë dallimet e njëri-tjetrit është ndër vlerat thelbësore të edicionit të parë austriak, i cili gjithashtu ka marrë emrin e vet.
Me një përzierje të gjuhëve ballkanike, versioni austriak i një përshëndetje miqësore i shtohet tani festivalit që rezulton në “mirëdita, dober den, servus”.
Sidoqoftë, nuk janë vetëm tri “përshëndetje” në emrin e festivalit – aktivitetet dhe lokacionit e festivalit të këtij edicioni luajnë gjithashtu me numrin tre.
Festivali (duke filluar nga ora 15:00) është i ndarë në tri seksione me tri aktivitete, të gjitha të dedikuara për temën e gjithëpërfshirjes (shih agjendën).
Më tej, festivali mbulon tri lokacione të gjitha brenda një rrezeje trekëndëshi prej 70 metrash, duke përfshirë kinemanë e kultit vjenez Breitenseer Lichtspiele.
Premiera e filmit në Rahmen des Festivals
Në festivalin Breitenseer Lichtspiele vizitorët do të kenë mundësinë të shikojnë pa pagesë premierën austriake të dokumentarit të ri të regjisorit Idro Seferi që tashmë është shfaqur në Belgjikë, Norvegji, Kosovë dhe Serbi.
Filmi quhet “Hera e parë: Kosova/Serbia” dhe ndjek një grup nga Kosova që vizitojnë Serbinë përpara se një grup serbësh të eksplorojnë Kosovën.
Pas premierës së filmit, të cilën do ta prezantojë vetë regjisori, festivali vazhdon në hapësirën bashkëpunuese Widelake Bakery me aktivitete të lehta sportive të cilat ftojnë pjesëmarrës më të rinj. Sepse “gjithëpërfshirja fillon me trupin, pavarësisht nga mosha.”, shpjegon Bistra Kumbaroska.
Pjesa e fundit e festivalit do të mbahet në Beisl Anna&Jagetsberger vjenez ku do prezantohet një ekspozitë e vogël e artistes me origjinë serbe Natasa Katalina, një panel diskutimi – dhe natyrisht një after party me një shije paksa ballkanike dhe pak stil austriak.
Të gjitha hapësirat ku do organizohet festivali janë me lokacion në Breitenseer Straße, 1140 Vjenë, U3 Hütteldorferstraße (dalja Feilplatz).
ObserverKult
Lexo edhe:
“MIRËDITA, DOBAR DAN”, NJË NGA NISMAT E PAKTA TË BASHKËPUNIMIT SHQIPTARO-SERBË
Festivali “Mirëdita, dobar dan” u hap mbrëmë në Prishtinë.
Dokumentari i Danijella Shtajnfelldit “Zaceli me” (Më shëro), hapi edicionin e tetë të Festivalit .
Dokumentari përmban histori intime, dëshmi të të mbijetuarve të përdhunimit. Por edhe të autorëve të dhunës seksuale.
Kjo është hera e parë që festivali “Mirëdita, dobar dan” mbahet me kapacitet të plotë në Prishtinë.
Ai organizohet nga OJQ Integra, Nisma Rinore për të Drejtat e Njeriut. Forumi ZFD, Festivali DAM dhe Iniciativat Qytetare, me mbështetjen e Fondacionit Kosovar për Shoqëri të Hapur.
Tekstin e plotë mund ta lexoni KËTU:
ÇAJUPI: MËMËDHE, TË DUA DHE KSHTU SI JE!
E dashura mëmëdhe,
të dua dhe kshtu si je!
Po kur të të shoh të lirë
do të të dua më mirë.
Qani pyje, fusha, gurë,
qani male me dëborë!
Shqipëria mbet e gjorë
dhe nuk sheh dritë kurrë;
një mjegull e keq’ e shkretë
e ka mbuluar përjetë!
Një gazep, një errësirë,
vetëtit edhe gjëmon!
Rrojmë me zemër të ngrirë,
nga frika kërkush s’gëzon!
Njerzit kurrë s’këndojnë
dhe bilbiletë vajtojnë!
Qiameti, shkretëtira!
Zogu vetë zë folenë,
njeriu lë mëmëdhenë,
se mbretëron egërsira!
Për Shqipëri dëshirojmë
se në vend të huaj rrojmë.
Robërinë si duron,
o moj Shqipëri e mjerë?
Shpëtove vende të tjerë,
vetë nën zgjedhë rron!
Shqipëtarë bëni benë
të lëftoni për atdhenë.
E dashura mëmëdhe,
të dua dhe kështu si je!
Po kur të të shoh të lirë,
do të të dua më mirë!
Poezinë e plotë mund ta lexoni KËTU:
ObserverKult
