Mbyllet Festivali në Venecia, dhe këtë vit u vendos t’i jepet çmimi më i madh, Luani i Artë, filmit francez “L’évenement” të regjisores franko-libaneze Audrey Diwan, mbi temën dramatike të abortit të paligjshëm, ku interpreton aktorja shqiptare nga Kosova, Luana Bajrami.
Çmimi special i jurisë shkoi ndërkohë për filmin autobiografik “E stata la mano di Dio” i regjisorit italian Paolo Sorrentino, që si gjithmonë kishte në film aktorin e njohur Tony Servillo, protagonist i sukseseve të Sorrentinos si “Il Divo” dhe “La grande bellezza”, transmeton ‘pressonline.mk’.
Aktori më i mirë u shpall John Arcilla me filmin “On the job” mbi korrupsionin e politikanëve dhe kompromiset e mediave.
E teksa aktorja më e mirë u shpall “mbretëresha” Penelope Cruz, protagoniste e dy filmave në festival, por që triumfoi me filmin e mikut të saj Pedro Almodovar, “Madres parallelas” në rolin e një mamaje single. “Fitorja është e Pedros, 100%”, deklaroi aktorja spanjolle.
LEXO EDHE: “Eurovision 2022” duhet të zhvillohej në Romë, por nuk do të jetë kështu
