Largimi i tij pas 18 sezonesh nga “Portokallia” ishte një humbje e madhe për vetë spektaklin në fjalë, por mbi të gjitha për fansat e tij të flaktë që do iu mungojë e qeshura falë tij.
Flor Binaj na surprizoi jo pak me vendimin për t’u larguar nga Portokallia në mes të sezonit televiziv. U tha se u largua për shkak të protestave apo se do i futej politikës, por kjo nuk është e vërtetë.
Florjan Binaj në një intervistë për ekranin e News24 ka zbuluar më shumë për të vërtetën e largimit nga “Portokallia” dhe ka vetëm një arsye që lidhet me të drejtat e autorit.
“Ka qenë një ndërthurje betejash, sprovash, momente gëzimi, momente hidhërimi, momente dështimi. Unë nuk kam qenë kaq i mirë sa jam tani, askush nuk ka lindur i ditur, ka qenë një udhëtim që më ka mësuar shumë, kam pasur rreth meje njerëz që më kanë mbështetur, një prej tyre është Agron Llakaj që ka pasur besim te unë që prej fillimit, por ka pasur dhe njerëz që nuk më kanë mbështetur dhe unë sërish dua t’i falënderoj sepse më kanë bërë më të fortë.
Largimi ka ardhur natyrshëm, sepse shumë gjërave nuk pati vullnet për t’i dhënë zgjidhje. Nuk dua të zbuloj detaje, por këto ‘gjëra’ nuk ishin teka por ‘gjëra’ që ligji shqiptar dhe ai ndërkombëtar i njeh. Unë habitem si në kohën e diktaturës të njiheshin të drejtat dhe sot në demokraci nuk njihen.
Ikja ime nga ‘Portokallia’ nuk ka lidhje me protestat, as me drejtuesit, nuk kam pasur as presion nga qeveria, asgjë. Ka të bëjë vetëm me çështjen e të drejtave të autorit për të cilën do flas në një moment tjetër”, tha Binaj.
Lexo edhe:
“HËNGRA KARAFILIN…”, FLOR BINAJ DHE GENC ZENELAJ TREGOJNË MOMENTIN E SIKLETSHËM NË SKENË
ObserverKult
