Moderatori i njohur Ardit Gjebrea pas një lufte dy javore, e ka fituar betejën me Covid-19. Lajmin e mirë e ka bërë me dije vetë moderatori me anë të një postimi në rrjetet sociale. Ai shkruan se tani ndihet më mirë dhe ka nisur të rikuperohet.
Gjebrea ka falënderuar mjekun Adrian Jorgjin, infermieren Florën për gjithë durimin që ka treguar. Dhe bashkëshorten e tij Anilën të cilën e quan edhe “ëngjëll mbrojtës”. Ndër të tjera ai shkruan se do t’i duhet pak kohë për të “ndezur motorët”.
LEXO EDHE: ARDIT GJEBREA “FLET” PËR COVID-19, JA SI ËSHTË GJENDJA E TIJ
“Kaq ishte! Tani filloi rekuperimi dhe së pari falënderoj: dr. Adrian Jorgjin që më ngriti në këmbë, infermiere Florën për durimin, Anilën engjëll mbrojtës për ditët dhe netët pa gjumë, miqtë që çdo mëngjes më mbushnin inbox të WhatsApp me merakun e tyre.
Faleminderit dhe të gjithë ju që më keni shkruar dhe uruar shërim të shpejtë, jeni shumë të mirë dhe bekimet tuaja ishin doza e duhur për të mbajtur optimizmin lart – motiv force! Tani sigurisht do duhet pak kohë deri sa të ndez të 5 motorrët, po kush na nxiton? Dielli doli,” shkruan ai./tirananews.al
