Gojëdhënë popullore
(Sferkë, Prekorupë)
Ni njeri shtatdhetë vjet ish lutë: “Hej, zot, hiqe xhehnemin!”. Zoti i tha hazreti Musás:
– Shko n’filan vên. Aty e gjân ni njeri qi â’ tu’ u lutë qe shtatdhetë vjet: “He, zot, hiqe xhehnemin!”. Mshoji me ni shuplakë!
Hazreti Musaja shkoi n’at vên edhe e gjet at njeri qi u lutke m’u hjekë xhehnemi. Kur iu afrue, i mshoi me ‘i shuplakë t’madhe: Ai njeri u kthye edhe e kqyri. S’e kish pá kurr ma përpara. Tha:
– Hej, zot, mos e hiq xhehnemin!
Hazreti Musaja i tha:
– Pse thae: “Hej, zot, mos e hiq xhehnemin!” edhe e hupe lutjen e shtatdhetë vjetve për nj shuplakë?
– Për çiftin tan, si m’rave shuplakë pa t’ba gja t’keqe, tek â’ xhehnemi i mirë, – i tha plaku.
*Shkëputur nga libri i Anton Çettës: “Nga folklori ynë I“
Përgatiti: ObserverKult
———————————–
Lexo edhe:
GRUA, MOS LEJO ASKËND QË TË SHKARKOJË RRUFETË E ZEMËRIMIT MBI TY!
