(Haki Misinit)
“Moj e mira te pojata
hije t’paskan flok’të e gata…
shkurtoi pak t’u preftë nafaka!”
popullore kosovare
1.
Fatsjellëse në të gjitha kulturat
flokët gjethe në Pemën e jetës
2.
Gratë në Kosovë u vranë
n’demostrata më 1990
Nji monstrum gjeopolitik
shpalli të shèjt tokën e tyne
Më 1997 u nisën kamë
e kryeshtrue
me nga nji bukë nënsjetull
Drenicës nën shtetrrethim
sillën me ja que!
por flokët çpluet patën!
ish nisun nga lashtësia
me fregatën e tina në kohën tonë Haki Misini
lajmin e Motit t’madh me pru…
nji kangë për flokët
me knu…
vonohet deri sa pellgu ujë
të mbushet
derisa Barka të ndërtohet
luftëtari kur nuk kthehet në sh’pi
3.
Hana e Persit e përgjakun
nuse e përjetshme
në qiellin zgavër t’Orientit
nxjerr fytyrën e saj t’ndrojtun
jetën kallë
me u dhanë flokëve dritë hyjnore e qiell
mbjell lule n’acarin e thirrjeve kur’anore të njeriut politik
flokët i nxjerr si shpata
në fërllazë plumash
syni vër pa ju bâ
s’kam pa në jetët e tana botëve
gra ma trime e t’hirshme si hana
atje ku heqja e shamisë
asht akt lirie
flokët janë ditirambe
secila fije dalë jasht shamie
âsht nji kryengritje
Persja e bukur
në flakët e posterit me fytyrën
e mullah gjeneralasimuss-it
ajo ndezi nji cigare duhan!
ndiej lirinë e saj si ADN
si tèmen dikur…
kur para babës
ja pata qitë timin!
Flokët janë kuajt e egër t’lirisë notojnë n’erë si mbi valë
s’ka ma kush i nalë!
ObserverKult
Lexo edhe:
“Fjalori i madh i gjuhës shqipe” nga sot, online për përdoruesit
